TITA 2:12 - PATHIAN LEKHABU THIANGTHO (BSI)

¹² zia chun Pathian ngaisak lona leh khawvel nopnate nusia ah, kisûm ah, diktat ah, tu’lai khawvel ah hin Pathian ngaisak ding leh,

TITA 2:12 ပူးပေါင်းရင်းမြစ်များ

EZEKIEL 36:27

La sung ah ka thagau koi ing ka; tichun, ka dante hun zuisak ta’ng ka tin, ka dan thuguatte chingthei tak in zui ta’n la.

MATTHAI 16:24

Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.

ROMTE 6:19

Taksa lam ah la hatlo ziak un mihing dan in thu ka gen ahi; la taksa bakteu thianglo kiang ah leh, a sia ding ah siatna kiang ah la piak phal gual uh khan, tu’hin la taksa bakteu chu thianthona dingin dikna suak dingin pia phal tau in.

SAM 4:3

Himaleh, Lalpa‘n mi ginum chu ama â dingin, a koichuam sek hi ti he tau in; Lalpa‘n ka ko phat leh ei ngaitha sek hi.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

1 JOHAN 2:6

Kuale ama ah ka um zing hi ti tapo chu, ama tawidan gual in a tawi ding ahi.

2 TIMOTHI 3:12

Ahi, kuale Khrista Jesu ah Pathian ngaisak ah um gaw tapo chu, sukgenthei hiding a hiu.

THUPUAN 14:12

Zia hin mithiangtho, Pathian thupiakte zui leh Jesu â ding ah ginum zingte, gunchuna nei ding ah chialna a um hi.

LUKA 1:75

Thiangtho tak leh dik tak ah, I dam sung siau a ma-âng ah I umtheina ding un.

1 THESSALONITE 4:7

A buak dingin Pathian in ei ko pua’n, thiangtho dingin ei ko zaw ahi.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

1 THESSALONITE 4:9

Ahi’n, suapite, hepina thu ah chun zik piak la ngai puau, kihepitua chiat dingin nangmau ngei Pathian in a hun hil tangal a.

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

ROMTE 6:12

Ziaziakchun, la taksa nopnau thu a umna dingin, la taksau thithei ah chun gitlona’n vaihawm ta ki’hen.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

1 JOHAN 2:27

Nang uh vang, a sathau nu’na la chan uh chu nangmau ah a um zing ah, kuama zilsak la ngai ta puau hi. Ama sathau nu’na chun bangkim a hun hil ah, dik tak leh juau a hilo ziakin, zia chun a hun hil gual in ama ah um zing un.

2 PETER 3:11

Zia thilte zosia chu zia gual ah chun mangthai suak ding a hiu leh, umdan thiangtho leh Pathian ngaisakna lam ah bang gual mi la hiu em?

HEBRAITE 8:11

Lalpa chu hia’n tiu in, kuama Invêngte leh suapite kihil ta pua’n au; a neupen ah kipat a lianpen tiang in, mitin in Lalpa chu hechiat ta’n au.

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

1 TIMOTHI 4:12

La khangdawng hi’na kuama’n hun musit ki’hen; himaleh, pau dan leh tawidan, hepina, ginna leh thianthonate ah chun gingtute etton dingin um zaw ta’n.

KOLOSSA 1:22

tu’hin vang ama leisiat hinkhua taksa hun thi’sak in, thiangtho, demna bei leh mawchansak theilo ding ah a ma-âng ah a hun piakdaw theina ding in,

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

ROMTE 8:13

Taksa dan ah la um zing uh chun thi ngei ding la hiu; himaleh, Thagau ah chun taksa thilhi’te la thâ zing ua leh vang hing in lau.

NASEPTE 24:25

Paul in dikna thute, kisûmna thute, vaihawmna hung tung ding thute pha tak ah a gen phatin, Felik chu a kithing hial a, “Chia kit phot in; hun lemchâng ka nei phat leh hun ko kit ing ka,” a tia.

NASEPTE 24:16

Zia thu hin ka sia leh pha hetna ziakin Pathian lam leh mihing lam inle theitawp ah panpi dingin ka kisa him ahi.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

EPHESA 1:4

ama ah thiangtho leh demna umlo ding ah lei chung pian masang ah ei uh ei la têl tâk gual in.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

JOHAN 6:25

Dilgâl langkhat lam ah a hung mu phât un, “Rabbi, bangtik ah zia lam hi a la tung la hem?” a tiu a.

LUKA 1:6

Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.

SAM 105:45

a thuguatte a zui ua, a dan thute a vop phat theina ding un. Lalpa chu pâk tau in!

JUDA 1:18

“Hun nunung ah chun Pathian ngaisak lo lam ah a nopna gual gual ua um ziang, nuisan hatte hung um in au,” ti’n la kiang un a gen tangal un.

2 TIMOTHI 4:10

Dema chun tu’lai khawvel a ngainat ziakin ei nusia in, Thessalonika khua’n a chia tai; Kresen chu Galatia gam ah, Tita le Dalmatia gam lam in a chia tau hi.

MATTHAI 12:32

Kuale, Mihing Chapa gensia chu ngaidam thei hi’ntin; Thagau Thiangtho gensia chu vang ngaidam thei hi pua’n au; zia khawvel leh khawvel hung tung kit dinginle.

1 TIMOTHI 6:9

Himaleh, hausak nuamte chu thepna’n a lut sek un, thil ngolhuai leh a hi’sethei nopnate thâng in a awk un, ziate chun siatna leh manthâina’n mite a tum lutsak sek ahi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.