TITA 1:9 - PATHIAN LEKHABU THIANGTHO (BSI)

⁹ thugin dik tak mang ah mite thu a hiltheina ding leh, a nialte chu a zaw theina ding ah, hil ah a um gual ah thu gin um tak chu tudet mi a hi ding ahi.

TITA 1:9 ပူးပေါင်းရင်းမြစ်များ

JOB LEKHABU 2:3

Lalpa‘n Setan kiang in, “Ka suak Job saw la ngaitua kha em? Khawvel ah hin ama tawhbang ah pha bukim, thu tak leh, Pathian lau leh thil phalo lak ah kipat kisûm thei mi umlo ei ve. A ziak leh zal bei ah lei hi’siatsak tiang inle a gin um zing nalai hi,” ti’n a dawnhu a.

JOB LEKHABU 27:6

Ka dikna tudet ing ka tin, tha’suak ngai ngai pua’ng ka; ka dam sung sia’n ka lungthim in, ki’awimawna nei pua’ng ka.

THUPILTE 23:23

Thu tak chu chawn la, zuakdok kit ta kin; pilna, hilna leh het thiamnate hi kichawk in.

NASEPTE 18:28

ama chun, mipi lak ah Judate le a nial zo ah, zia chun Pathian lekha thute chu mang in Jesu chu Messiah ahi, ti’n mipi chu nasa tak in a thuzaw tai.

1 KORINTH 14:24

Ahi’n la, la leng ua thu la gen uh chun, ginglo a hem, pawlam mi a hem hung lut ta leh, a thiamlo jia la leng ua la hiatsak uh hi’ntin, la leng ua la suasal uh hi’n a.

1 THESSALONITE 5:21

Bangkim patep unla, a pha chu tudet tau in.

2 THESSALONITE 2:15

Chutichun, suapite haw, lekha a hem, kam a hem ah thugosia ka hun genteu kha tudet in ding det un.

1 TIMOTHI 1:10

mithanghuaite, tawkawhûkte, mihing ah kiveite, juautheite, juau ah kihaksialte leh,

1 TIMOTHI 1:15

Khrista Jesu chu migilote hukdam dingin khawvel ah hung ahi, ti hi taksan um leh pom tâk ahi. A lak ua gilo Chungnung pen chu keima ka hi.

1 TIMOTHI 1:19

Ginna leh sia leh pha hetna thiang tak vop zing in. Mi khenkhat in a sia leh pha hetnau chu paitha’n, ginna lam ah chun kuang kek gual in a buaisia tau hi;

1 TIMOTHI 4:9

Zia thu hi a muan um in a pom tâk hi.

1 TIMOTHI 6:3

Kua’nle thuhilna chuam a hun hil ah, thu dik, I Lalpa Jesu Khrista thute leh, Pathian ngaisakna tawh kituak ah thuhilnate pom lo ahi chun,

2 TIMOTHI 1:13

Khrista Jesu ah um ginna leh hepina ah chun, thuhilna dik keima ah kipat la hiatte kha tudet zing ta’n.

2 TIMOTHI 2:2

hetpi tam takte lak ah ka kam ah thu la hiatte kha, mi ginum, midang hilsawn thei dingte kiang in pesawn in.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

2 TIMOTHI 3:14

Himaleh, nang vang, kua kiang ah zil la hem ti kihia’n, la zil leh la hetchiante ah chun umzing in,

2 TIMOTHI 4:3

Mite’n thuhilna dik a ngaithâk peilo hun uh hung tung ding ahi ngal a; a nakhangteu a zat ziakin amau nopna tawh kituakte gen dingin, thuhil dingte kichom khawm ding a hiu;

TITA 1:11

Zia gual mite chun lawkna dik lo ngaitua in, thu hilo lo gen in mi a Inkuan kuan in a susia sek ua, ziate chu a kam uh huk piak ding a hiu.

TITA 2:1

Himaleh, nang in vang thugin dik takte chu gen in.

JUDA 1:3

Doitakte haw, I kikop uh hukdamna thu la kiang ua tha nuam tak ah zik ka guat lai in, mithiangthote kiang ah ginna vopsak ah umsa thu’n phatchuamngai tak ah pang ding ah tilkhauna thu gen ngai zaw ta’n ka hia’i.

THUPUAN 2:25

ka hung kit masia la neisa kha a la vop pha zing ta’n.

THUPUAN 3:11

Hung vak ziang ding ka hi; kuama’n la lallukhuk ding chu a lâkpiak lona ding in la neisate kha pha tak in vopdet zing ta’n.

THUPUAN 3:3

La thil mu dan leh het dante kha hezing in vop pha’n la, la lung hun hei ta’n. La kivên lo chun gucha gual in hung ing ka tin, bangtik hun ah ka hun phawn ding helo la hi.