TITA 1:6 - PATHIAN LEKHABU THIANGTHO (BSI)

⁶ mi kuale dem kâi lo, ji pakhat nei, a chate ginum, noptatna lam ah dem kâi lo, danlo gual ah talo a hi’nâk ua leh,

TITA 1:6 ပူးပေါင်းရင်းမြစ်များ

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

THUPILTE 28:7

Dan zawm tapo chu mipil a hiu a, mi lawpchawp gualpha neite chun, a nu leh pa zachatna a tut sek ui.

EZEKIEL 44:22

Meithâi a hem, mi nolsa a hem chu a kichenpi lo diu ahi; Israel Inkuan lak ah nungak thiangtho, Ahiloleh, thiampu’n a thi’san meithâi a hem bep a kichenpi diu ahi.

THIAMPUTE LEKHABU 21:14

Meithâi a hem, nolsa a hem, mi sukbuaksa a hem leh nawchizuakte haw chu a kichenpi lo ding ahi. Ama chanaute lak ah nungak thiangtho bep a kichenpi ding ahi;

THIAMPUTE LEKHABU 21:7

Nawchizuak, ahiloleh numei thanghuai leh a pawsal in a nolsa chu ji’n a nei lo ding uh ahi; thiampu chu a Pathian â dingin mi thiangtho a la hita ngâl un;

MALAKI 2:15

Ama chule Pathian pakhat in a siam hitho lo a hem? A phe leh vo leh a thagau chule Pathian â hitho lo a hem? Ahileh, Pathian pakhat chun bang a hem a dawi? Pathian ngaisak thilpiak ngei chu ahi. Ziaziakchun, ki-enchian unla, kuama’n a khangdawn lai ji chu lepbawl kiu hen.

LUKA 1:5

Judea gam ah Leng Herod lal lai in, Abijah thiampu chi ah mi, thiampu pakhat a min Zekhariah kiti chu a la um a; a ji chu Aron chanute lak ah mi, a min Elizabeth ahi.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

1 THESSALONITE 5:14

Chun, suapite haw, ka hun tîl la hiu, dan lo gual ah umte chu hil unla, lungkiate chu tilkhau unla, hatlote chu panpi unla, mi zosia lak in thuak-hat tau in.

1 TIMOTHI 1:9

Ziate hi a umzia hetchian ding ahi, Dan chu miphate â ding ah kibawl a hipua’n, Dan kãl mite leh Dan botsete, migilote, mithianglote, mibuakte, pa ahiloleh nu thatte, mithatte haw leh,

1 TIMOTHI 3:12

Kochuam ah hotute chu ji pakhat bep nei hiu hen la, chuleh, a chateu leh amau Insung ngei pha tak ah pawtûp zo ahi diu ahi.

TITA 1:10

Dan khawksa lo leh thu manlo mawk gen gente, mi thêm ah puimangte a tam tangal ua, a diak in zektante lak in a tam diak uh ahi.

1 SAMUEL 2:11

Tichun, Elkanah chu Ramah khua a In lam in a chia kit ta’n; naupang chu Lalpa nasêm in, thiampu Eli kiang in a um den tai.

1 SAMUEL 2:22

Ahi’n Eli chu a têk ma ma tai. A chate’n Israelte zosia chung ah a thilbawl dan uh leh kikhopna biakbûk kotkhak bul ah numei a la luppi danteu haw zosia le a he suak a.