THUPUAN 7:3 - PATHIAN LEKHABU THIANGTHO (BSI)

³ “I Pathian suakte chu a chal ua ka tepte suak masangsia, mualkâng leh tuisuagiat leh thingte him him hun susia nai tadi ki’un,” a tia.

THUPUAN 7:3 ပူးပေါင်းရင်းမြစ်များ

PAWTDAWNA THU 12:13

Gan thisan chu nang uh â dingin la umna chiat ua tepte’na hi’n a: thisan chu ka hun mu phat leh nang uh hun chopkân ing ka tin; chuleh, Aiguptate ka soisak phat leh, nang uh hi’mangthai dingin la chung un hipi chu tung pua’n a,” a tia.

PAWTDAWNA THU 12:23

Lalpa chun Aiguptate sawisa dingin hung vâkvêl ding ahi ngal a; kot chung leh kotbiang ah thisan chu a mu phat leh, Lalpa’n zia In chu chiakân intin, nang uh himangthai dingin mi himangthaipa chu la In sung ua hung lutsak lo ding ahi.

ISAI 27:8

Amau chu nawdawna sal ah pui mang in a umsak ah, a lungnatna’n sualam thigawpi a mût mangsak tai.

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

ISAI 6:13

Thinghi thing a hem, gangpi thing a hem, a kiphûk nung ah le a bulsum a um gual in, a lak ua mi sawm lak ah khat ziang le, nutsia a um nâk lai chun, mei ah hâl tum hi nalai in au; chi thiangtho chu a bulsum gual in, um nalai in a,” ti in.

ISAI 65:8

Lalpa‘n zia gual hin a gen ah: Grep bawk lak ah a pha khen khat a um ziakin, min, “A lak ah pha khenkhat a um ziakin, susia sik sek ziang kin?” a tiu a; tichun, zia gual chun hawi ing ka tin, a leng in hise suak ziang pua’ng ka.

EZEKIEL 9:4

a kiang in, “Khawpi sung hawtheng inla, Jerusalem khawpi sung ma ma hawtheng in; chuleh, khawpi sung ah ki’dak um tak ah thil a kibawl ziak ah, khawksa tak ah thûm leh mau zosia chu a chalkiu ah tepte’na bawl in,” ti’n a hun gen a.

EZEKIEL 9:6

A têk, a khang, numei leh naupang, a leng un that gam unla, tepte’na nei cheng vang khoikha kiu in. Ka mun thiangtho ah chun that pan un,” a hun ti’n. Tichun, tempul In mai tual ah upa vaihawmte lak in a hun that pan tau a.

DANIAL 3:17

Aw lengpa, a na ka sep uh Pathian chun meipi kuang lak leh nangma khut ah kipat ei hukdok thei ahi chun, ei hukdok mai hen.

DANIAL 3:26

Nebukadnezar in meipi kuang lûtna kotkhak chu a nai phei ah, “Chungnung pen ah Pathian nasêmte Sadrak, Meshak leh Abednego hung pawt un! Zia hin hungdok un!” ti’n a ko a. Tichun, Sadrak, Meshak leh Abednegote chu meipi kuang lakah kipat chun a hung pawtdok tau a.

DANIAL 6:16

Tichun, lengpa’n thu a hun pia ta; Danial chu a kiang ah hun pui in, Sakeibaknei kul sung ah chun a sep lut tau a. Lengpa chun Danial kiang in, “Ginum tak ah a na la sep piak, la Pathian chun hun hukdok ta hen!” a tia.

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

MALAKI 3:18

Zia tak chuleh, midik leh migilo kikhiak dan leh, Pathian nasêm leh sêmlote kikhiakna mu chian ta’n lau.

MATTHAI 24:22

Zia ni chu sukchom hilo vang leh, mihing kuama a suakcha umlo ding ahi; himaleh, têlchuamte ziakin zia ni chu sukchom hiding ahi.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 3:33

Kuale a thu hiatsak a la pomte chun, Pathian chu dik tak ahi, ti a sudet tau hi.

ROMTE 6:22

Tu’hin vang chu gitlo ah kipat pawt in, Pathian suakte la hung hiu hin, phatchuamna la muu chu sukthianthona ahi; zia tawpna chu kumtuang ah hinna ahi.

THUPUAN 13:16

Mi zosia, a lian a neu, a hausa a chaga, suak leh suaklote chu a khut changlam, ahiloleh, a chalkiu ah tepte’na a neisak chiat ua.

THUPUAN 13:17

Zia tepte’na sahâng min a hem a nambar a hem, neite longal chun, bangma a zok leh a chawktheilona ding un.

THUPUAN 14:1

Ka et leh, Belamno, Zion tâng ah ding leh, A min leh a Pa min a chal ua kizik, mi nuai khat sîng li leh sang li te tawh ding ka mu’n.

THUPUAN 14:9

Vansawlchâk pathumna chun, a masate chu zui in, aw ngai tak in, “Kuale sahâng leh a lim bia leh a chal a hem, a khut a hem ah tepte’na nei chu,

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

THUPUAN 20:4

Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.

THUPUAN 22:4

Tichun, a mêl chu mu’n tiu in, a min chu a chalkiu in um in a.

THUPUAN 6:6

Thilhing palite lak ah aw hileh kilawm in, “Gehu bu tê’na khat ni khat law ding, barli bu te’na thum ni khat law ding, thau leh uain kha vang susia kin,” ei ti ka hia’n.

THUPUAN 7:1

Ziazaw chun, khawmual leh tuisuagiat leh thing chung ah te, hui a hân lona ding in, lei ah hui kot palite chu khak bing dingin vansawlchâk pali ding ka mu.

THUPUAN 7:2

Vansawlchâk dang pakhat, Pathian hing tepte’na chawi ah, nisuana na kipat hung kum ka mu; ama chun mualkâng leh tuisuagiat suksiat theina piak ah um vansawlchâk palite kiang ah chun aw ngei tak in:

THUPUAN 9:4

A chal ua, Pathian tepte’na neilote longal chu lei ah hampate leh thai thilhingte leh thingte le bangma law lo ding ah thupiak a hiu.