THUPUAN 4:9 - PATHIAN LEKHABU THIANGTHO (BSI)

⁹ Zia thilhing palite chun kumtuang ah hing zing lalchutpha ah kichu chu a chawihoi un, jana a piau ah, kipak thu a gen phat ua leh,

THUPUAN 4:9 ပူးပေါင်းရင်းမြစ်များ

SAM 47:8

Pathian in namtin chung ah vai a hawm in; Pathian chu a lalchutpha thiangtho in a kichu’i.

SAM 48:14

zia hi I Pathian uh, kumtuang, kuamtuang ah I Pathian uh chu ahi. Ama kumtuang ah ei puipa ding chu ahi, ti la hilsawn theina ding un.

PAWTDAWNA THU 15:18

Lalpa’n kumtuang, kumtuang in vaihawm ding ahi,” a tiu a.

ISAI 6:1

Lengpa Uzziah a thi kum in, Lalpa chu lal chutpha kichu, sâng tak leh lian tak in ka mu’n; chuleh, a puansil mongte chun tempul sung a lua dim hial a.

DANIAL 12:7

Puan malngat ah kithuam, luinâk lam ah umpa chun a khut changlam leh a khut veilam van lam in a jak to a. Ama’n zia hun tunna ding chu hun khat, hun ni leh hun kimkhat zaw leh mithiangthote thilhitheina sukchimitna tung intin, ziaphat chuleh, zia thil zosia bukimna chu tung ta’n a, ti’n kumtuang ah hingzingpa min ah kipautiam hial in a hun gen a.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

DAN LEKHABU 32:40

Van lam ah ka bân jak in, ka kihaksial ta’n; kumtuang ah ka hin nâk chun,

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

HEBRAITE 7:8

Thiampute ah chun vang, sawm ah khat chu a thi thei mihingte’n a lâk uh ahi’n, Melkisedek chung thu ah vang sawm ah khat chu a hing zingpa chun a la sek hi.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

THUPUAN 10:6

Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

THUPUAN 15:7

Thilhing palite lak ah pakhat chun, vansawlchâk sagite kiang ah chun, sana belbu pasagi sung ah kumtuang ah hing zing, Pathian lungnatna dim chiat chu a pia.

THUPUAN 21:5

Lalchutpha chung ah kichu chun, “En un, bangkim ka siamthak tai,” a tia. Chun, ka kiang in, “Zik in, zia thute hi a dik in a ginum hi,” a tia.

THUPUAN 4:2

Ziaphatchun, thakhat in thagau in ka hung um ta’n; ngai tiam un, van ah chun lalchutpha khat a hung kidaw ah; zia chun mi pakhat a kichû.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

THUPUAN 5:1

Ziazaw chun, lalchutpha kichupa khut changlam ah chun, lekhabu zial a pêk langtua ah kizik, tepte’na sagi ah kitepte ka mu’n.

THUPUAN 6:16

Mual leh tâng leh suangpite kiang ah chun, “Lalchutpha kichupa mit mu leh Belamno lungnatna kipat chun ei sêl unla, ei deldên ta un:

THUPUAN 7:15

‘Tu’hin Pathian lalchutpha ma ah um in, a tempul ah sûn leh jan ah nasem in a um tau; lalchutpha chupa chun, a puan In jak khum intin,