THUPUAN 3:3 - PATHIAN LEKHABU THIANGTHO (BSI)

³ La thil mu dan leh het dante kha hezing in vop pha’n la, la lung hun hei ta’n. La kivên lo chun gucha gual in hung ing ka tin, bangtik hun ah ka hun phawn ding helo la hi.

THUPUAN 3:3 ပူးပေါင်းရင်းမြစ်များ

EZEKIEL 20:43

Zia tak ah chun, la umdan leh la tatdan phalo tak ziak ah, la kisubuak dan uh hezing kawm in; la thilbawl uh phalo zosia ziakin nang uh nasan kiki’dak hial in lau.

EZEKIEL 36:31

Ziaphat chuleh, la umchan dikloteu leh phalo tak ah la la bawldan zosiau kha hezing in lau; la thil bawlkhial zosiau leh ki’dak um tak ah la la umnau zosia ziakin, nang uh kichimchâk hial ta’n lau.

MATTHAI 25:13

Zia gual chun, kiging zing in um un, Mihing Chapa hung ding ni leh, a hun ding bangma la he pawngal un, a tia.

MARKA 13:33

Ziaziakchun, chingthei tak leh pilvâng tak in um zing un; a hun ding kuama’n la hepaw ngal un.

MARKA 13:36

thakhat in hung thut intin, la i-mut lai hung sikha kha’n a.

1 THESSALONITE 5:2

Lalpa ni chu jan ah gucha gual in hung tung ding ahi ti, chian tak in la he ngal ua.

1 TIMOTHI 6:20

Timothi, la kiang ah vopsak ah um chu vêngpha ta’n. Diklo tak ah pilna a tiu, thu kigen mai mai leh kinialnate chu kiheimang san in;

2 TIMOTHI 1:13

Khrista Jesu ah um ginna leh hepina ah chun, thuhilna dik keima ah kipat la hiatte kha tudet zing ta’n.

HEBRAITE 2:1

Ziaziakchun, nakhang ah I thu hiatteu kha I ngaikhawk zaw diak ding uh ahi; chutilochun, kitawlmang san kha tawl hitiu.

2 PETER 1:13

Chuleh, taksa ah ka um sung ah hin nanghaw hun hetpi dingin ka kisazo zing hi.

2 PETER 3:1

Doitakte haw, la kiang ua ka zik hi ka lekhathot niveina ahi tai; ziate chun nang uh a vêl ah hil in, la lungthim thiangtho uh chu ka choktho hi.

2 PETER 3:10

Himaleh, Lalpa ni chu gucha gual in hung in a; ziaphat chuleh, vante chu git ngai tak ah mangthai in, thilbulte le mei ah haltui hita’n a; lei leh a sung ah thil kibawlte zosia chu kâng tum ta’n a.

THUPUAN 16:15

(Ngai un, gucha gual in ka hung hi. Kuale kiging zing ah umte leh puanchêng zingte chu mi hampha a hiu. A la kiginglote chu ngawnchang in um intiu in, mualpho in au.)

THUPUAN 2:25

ka hung kit masia la neisa kha a la vop pha zing ta’n.

THUPUAN 2:5

Ziaziakchun, khoi ah kipat a la pûk la hi em kingaitua inla, la lung hun hei kit inla, la thil hi’masate kha hun pan kit ta’n; la lung la heilo chun hung ing ka tin, la thaumei koina chu hung chawn mang ding ka hi.

THUPUAN 22:7

Ngai in, hung ziang ding ka hi tai; zia lekhabu thu genlawk gual ah umte chu a hamphau hi,” a tia.

THUPUAN 3:11

Hung vak ziang ding ka hi; kuama’n la lallukhuk ding chu a lâkpiak lona ding in la neisate kha pha tak in vopdet zing ta’n.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

THUPUAN 3:2

Kivêng inla, a hing nalai sun, thi vâng vângte kha hi’hat kit in; la thil hi’te kha ka Pathian mit mu in a buting him him a um puai.