THUPUAN 3:2 - PATHIAN LEKHABU THIANGTHO (BSI)

² Kivêng inla, a hing nalai sun, thi vâng vângte kha hi’hat kit in; la thil hi’te kha ka Pathian mit mu in a buting him him a um puai.

THUPUAN 3:2 ပူးပေါင်းရင်းမြစ်များ

1 LENGTE 11:4

Solomon a hung têk phatin, a jite’n a lungthim chu pathian dangte lam in a heimang tau ah; a pa David lungthim dik gual ah khan a lungthim chu Lalpa a Pathian lam in a dik ta puai.

1 LENGTE 15:3

Ama masang ah a pa’n a la zui lampi diklo ah chun ama le a chiajel ah; a lungthim chu a pa David gual in a Lalpa Pathian mit mu in a ting zo ta puai.

2 KHANGTHU 25:2

A lunggil zosia’n zui lo maleh, Lalpa mit mu in lam dik a zui hi.

JOB LEKHABU 16:5

Ka kamsuak in hun tilkho ing ka tin, ka mûk ah thamuanna thute chun, la thok gimna hun nêm ding ka hi.

ISAI 35:3

Khutbân zawngkhâlte chu hi’hat unla, khup zawite chule hihât tau in.

ISAI 56:10

Israel gâlvêngte chu mitthûm, hetna bei ngen a hiu ah; uicha pau helo leh hâm thei lo, mawk um ah lum nguai mai leh, i-mut thût gual ngen a hiu.

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

DANIAL 5:27

TEKEL chu, Bûkna ah bûk in la um in, la ting zo ta puai;

ZEKARIAH 11:16

Zia gam ah hin belampu pakhat hun tung ding ing ka tin; ama chun a manthai ding uh khawksa pua’n tin, a jam mang le hawl pua’n tin, a meimale hi’dam pua’n tin, a hisel lole an pediak pua’n ah; ahi’n, a thau tuai mâmpha cha cha chu ne’n tin, a kengtin nasan uh âtphel piak in a.

MATTHAI 23:5

A thil hi’ taphotteu chu mihing mit mu dingin a hi’sek un, a thilbuu leh a dialkopteu chu a hi’lian un, a puanâk mongteu chu a hi’pawm ui.

MATTHAI 25:13

Zia gual chun, kiging zing in um un, Mihing Chapa hung ding ni leh, a hun ding bangma la he pawngal un, a tia.

MATTHAI 25:7

Ziaphatchun, nungak thiangthote chu hung tho in, a thaumei uh a hun vâk tau a.

NASEPTE 18:23

Zia tak ah chun hun bangchan a hem a um nung in, a kipan kit ah, Galatia gam leh Phrugia gam zosia a ban ban in a chuan vêl ah, nungzuite zosia chu a tîlhat pek tai.

DAN LEKHABU 3:28

Himaleh, Joshua hi thu pia’n la, tîl hangsan in. Ama hin zia mipite hi pui gâl kâi in, la mu ding gam zosia chu luasak ding ahi ngâl a,” a ti’n.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

THUPUAN 16:15

(Ngai un, gucha gual in ka hung hi. Kuale kiging zing ah umte leh puanchêng zingte chu mi hampha a hiu. A la kiginglote chu ngawnchang in um intiu in, mualpho in au.)

THUPUAN 2:4

Himaleh, demna khat ka hun nei hi, la hepina masa kha la nusia tai.

THUPUAN 3:1

Chun, Sardis khua kochuam vansawlchâk kiang ah chun, zia gual hin zik in: Pathian Thagau pasagi leh aksi pasagi neipa chun, zia thu hi a gen hi: La thil hi’te ka hiai, a thi hingal ah hing min la put hi.

THUPUAN 3:3

La thil mu dan leh het dante kha hezing in vop pha’n la, la lung hun hei ta’n. La kivên lo chun gucha gual in hung ing ka tin, bangtik hun ah ka hun phawn ding helo la hi.