THUPUAN 22:3 - PATHIAN LEKHABU THIANGTHO (BSI)

³ Hânsia um ta pua’n tin, Pathian leh Belamno lalchutpha chu zia chun um intin; a nasemte chun a na sep piak in au.

THUPUAN 22:3 ပူးပေါင်းရင်းမြစ်များ

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 14:3

Chuleh, nang uh â ding ah mun ka siam leh, hung kit ing ka tin, ka kiang ah um dingin hung pui ding ka hi, ka umna nang uh le la umtheina ding un.

ZEKARIAH 14:11

Chuleh, suksiat ni um talo ding ah lua dim in um ta’n tin, Jerusalem chu bit tak in um ta’n a.

EZEKIEL 37:27

A lak un chêngden ing ka tin; chuleh, a Pathian uh hita’ng ka tin, amau chu ka mite hita’n au.

SAM 17:15

Ke’n vang, dikna’n la mêl en ing ka tin; nangma kibatpina nei ah ka hung dindaw phat leh, ka lung kim ta’n a.

SAM 16:11

Nang in hinna lampi lei kawk mu hi. La umna phot ah kipakna bukim a um ngal ah; la changlam khut in kumtuang kipakna a um hi.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

DAN LEKHABU 27:26

Zia dan thute zui lo mihing taphot chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.

EZEKIEL 48:35

Khawpi kîmvêl chu tong sîng khat leh sang giat hual sung ahi. Chuleh, zia hun ah kipat chun a khawpi min chule, “Zia hin Lalpa a um hi,” ti hita’n a.

ISAI 51:11

Tichun, Lalpa tatsate chu hung kile’kit in, La sa kawm in Zion ah hung in au; a luchung ua kumtuang kipakna khuk in, limna leh kipakna chang in, lungngaina leh lusûnna zosia bei ta’n a.

THUPUAN 7:9

Ka et kit leh, mipi tam tak, simsên lo, gamtin ah mite, pautin ah mite puan vâm sil leh a khut ua tûmbâkte chawi in, Belamno leh lalchutpha ma ah chun a hung ding tau a.

THUPUAN 7:10

Ziate chun aw ngai tak in, “Hukdamna chu I Pathian uh lalchutpha kichu leh, Belamno â ahi!” ti’n a kiko ua.

JOHAN 13:32

Ama ah Pathian choihoi ah a um chun, Pathian in ama chule chawihoi ngal in a.