THUPUAN 2:3 - PATHIAN LEKHABU THIANGTHO (BSI)

³ Thok le la thuak ta’n, himaleh, la thuak zo jel hi; ka min ziakin la sêmgim ta’n; himaleh, la chau diak puai.

THUPUAN 2:3 ပူးပေါင်းရင်းမြစ်များ

SAM 37:7

Lalpa âng ah thipbek in um inla, ama ngâk ham ham in; thil phalo a matchâk ziak ah, vangphatna changte ziakin, nang leh nang kisulungngai kin.

SAM 69:7

Nangma ziakin gensiat ka hi’n, zachatna’n ka mai a khû zo tai.

MIKAH 7:9

Kei lam ah a pan ah, kei a ding ah vai ei hawm piak masang sia chu, Lalpa chung ah thil ka la hi’khial tâk ziakin, a lungnatna paw zing ta’ng ka. Ama’n vâk ah ei puidok intin, tichun, a dikna chu mu ta’ng ka.

MARKA 15:21

Kurini khua hung kipan, Rufa leh Alexanderte pa, Simon chu lampi chia lai a tuak khau ah, ama chu a man ua, kros chu a putsak tau a.

LUKA 14:27

Kuale ama kros kiput ah ei zui lo chu ka nungzui hithei pua’n au.

LUKA 18:1

Chun, lungke lo hial ah pauchap ding ahi dan hilna dingin, zia tekhinthu hi a gen a:

LUKA 21:19

La thok-hatna ziak un la hinnau humbit in lau.

LUKA 5:5

Simon in a kiang in, “Hotupa, gim tak ah jankhua’n ka pang tau in, bangma ka man puau hi. Himaleh, la thu’n lente sep kit ing ka,” ti’n a dawnhu a.

LUKA 8:15

Lei phatna kethate chu ziate hi a hiu: Lungthim kitup tak leh pha tak in thu a hiau ah, a vop zing un, thuak hat tak in ga a hun sua sek ui, a tia.

JOHAN 15:21

Himalehle, zia thil zosia hi ka min ziakin la chung un hun bawl in au, kei ei sawlpa a het lo ziak un.

ROMTE 12:12

Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.

ROMTE 16:12

Triphaina leh Triphosa, Lalpa nasêm gim sekte kha, chibai ei bûkpiak un. Doi tak Persis, Lalpa nasem, gim ma ma kha chibai ei la bûk piak un.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

ROMTE 8:25

I mu nailo I kineppiu chun, zia chu gunchu tak in I ngak ham ham sek ui.

1 KORINTH 13:7

bangkim a thuak ham ham in, bangkim a gingchan, bangkim a kinem in, bangkim a thuak mual suak sek hi.

1 KORINTH 16:16

Zia gual mite leh, amau naseppi leh sepgimpi taphot kiang ah chun lut dingin ka ni la hiu.

2 KORINTH 10:15

Midangte nasep gimna kisuanpi ah, a khêl a vâl ah kisuang ka hi puau hi; la ginnau a hung pun ah, la lak ua sepna ding ka gam uh a hung let jel ding chu ka kineppiu ahi;

2 KORINTH 11:23

Khrista nasemte a hiu maw? Mingol gual in ti mai leng, keima hi ka hizaw diak hi. Sepgimna lam in ka ha’pan zaw’n, thokzaw lo ding tiang hial ah vokna le ka tuak ta’n, suangkul ah le a khawk zaw diak in, a thilo bep ah koi in ka um in.

2 KORINTH 4:1

Pathian hepina ziak ah zia nasepna hi ka nei ziak un ka lungthuai puau hi.

2 KORINTH 4:16

Ziaziakchun, ka lungkia puau hi. Ka pawlam mihing uh hi jawngkhal hiai hiai maleh, ka sung lam mihing uh nisi’n ah siamthak in a um zawi.

2 KORINTH 5:9

Ziaziakchun, zia taksa hin um in, umlo leu hing, ama kipakna mi hiding chu I tuppen diu ahi.

2 KORINTH 6:5

vokna, suangkultânna, buaina, sepgimna, i-mutlona leh anngawlna ah te;

GALATIA 6:2

La puakgikteu chu kidawn tua chiat un; tichun, Khrista dan chu la zui uh hi’n a.

GALATIA 6:9

Ziaziakchun, thilpha hi chimchâk puai tiu; I kithada lo uh chun a hun tak in ât ngei ding I hingal un.

PHILIPPI 2:16

hinna thu chu la taklat theina ding un; zia kipakna chu keima’n Khrista ni a hung tun phat leh, a thawn in ka sêm gim pua’n, a thawn in ka tai gim puai, ka ti ngamna ding in.

PHILIPPI 4:3

Ahi, ka ngawngkol bâtpi dik tak, nang le zia numeite kha panpi dingin ka ni la hi; amau chun Klemen leh ka seppi dang, hinna bu ah a min uh chuangte tawh, chanchinpha ah chun ei la seppi ngal ua.

KOLOSSA 1:11

Kipak tak ah bangkim thuak-hat tak ah la umtheina ding un, a thilhitheina nasa tak ah kipat hung pawtdok chun, bangkim in hun suhat hen la,

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

1 THESSALONITE 2:9

Suapite haw, ka sepgim dan uh leh ka chawl dan uh la hezing ui; la lak ua kuama â dia puakgik ka guanlona ding un, sûn leh jan ah na sêm in, Pathian chanchinpha ka hun hil uh ahi.

1 THESSALONITE 5:12

Suapite haw, la lak ua sêmgim leh Lalpa ah hun enkolte leh nang uh hun hilte chu, ja bawl dingin ka ni la hiu.

2 THESSALONITE 3:13

Suapite haw, nanghaw vang thilpha bawl chimchâk kiu in.

2 THESSALONITE 3:5

Chun, Lalpa‘n la lungthim uh chu Pathian hepina leh Khrista detna ah chun hun pui lût ta hen.

2 THESSALONITE 3:8

Kuama an a thawn in ka ne ngai puau in; kuama puakgik ka hun puaksak lona ding un sûn leh jan in gim leh chawl tak ah sêm in ka ne zawu ahi.

1 TIMOTHI 4:10

Zia ziak tak ah chun I sêmgim un, I pang ham ham uh ahi; Pathian hing ah chun I kinepnau a um ah, ama chu mi zosia Hukdampa, a gingte â ding ah hizaw diak ahi.

1 TIMOTHI 5:17

Kochuam upa pha tak ah vaihawmte chu a le’ni ah choisa’n tâk ah ngai hiu hen, a diak in thugen leh thuhil ah sêmgimte chu;

HEBRAITE 10:36

Pathian doigual ah la bawl phat ua leh le, thutep chu la chantheina ding un la thok-hat uh a ngai zing ngal a.

HEBRAITE 12:1

Chutichun, hiatpitu sûmpi nasa tak ah ûm kîmvêl I hiu ti kihia’n, ei sunokphak leh I chung ua bek gitlonate paitha’i tiu in, I mau ah kitaisiakna lampi ah hin thuak-hat tak in tai hitiu.

HEBRAITE 13:13

Ziaziakchun, ama a mu tawmnau chu pua’n, dâi pawlam in chia hitiu.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

HEBRAITE 6:12

Thada kiu inla, ginna leh thok-hatna ah thutiam changte kha zui zaw tau in.

HEBRAITE 6:15

Abraham chun gunchu tak ah a thok nung in zia thutiam chu a la chang tai.

2 PETER 1:6

la hetnau ah chun kisûmna pansak unla, la kisûmnau ah chun thok-hatna pansak unla, la thok-hatnau ah chun Pathian ngaisakna pansak unla,

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

THUPUAN 3:10

Ka thu, thok gunchuna chu la vop zing ziakin, khawvel ah mi zosia patepna hung tung ding ah hin, patep ah la um phât leh keima’nle hun humbit ding ka hi.