THUPUAN 11:3 - PATHIAN LEKHABU THIANGTHO (BSI)

³ Ka thu ei hetpi panite kiang in thu pia’ng ka tin, amau chun saidippuan sil in ni sang khat za ni leh sawmguk sung thu gen in au,” a tia.

THUPUAN 11:3 ပူးပေါင်းရင်းမြစ်များ

THILSIAM THU 37:34

Tichun, Jakob in a puan a bot thêk ah, saidip puan sil in, ni sawt tak a chapa chu a sûn tai.

2 SAMUEL 3:31

Ziazaw chun, David in Joab leh a kiang ah um zosiate kiang ah chun, “La puan uh botthêk unla, saidip puan sil in Abner hi sûn un,” ti’n a gen a. Tichun, lengpa David chunle a luang chu a zui tai.

1 LENGTE 21:27

Ahab in zia thute chu a het phat in, a puante chu a botthêk ah, saidip puan a sil ah; an a ngawl ah, saidip puan chung in a lum ah, dâ mêl pu tak kawm in a vâk vêl vêl tai.

2 LENGTE 19:1

Lengpa Hezekiah chun zia thu chu a het phat in, a puante a bot thêk ah, saidip puan a sil ah, Lalpa In ah chun a lut ngal tai.

1 KHANGTHU 21:16

David in a et to leh, Lalpa vansawlchâk Jerusalem lam zuan ah chemjam lâmsa, lei leh van kikâlah ding zing chu a mu ta’n. Ziaphatchun, David tawh a miliante chu saidip puan sil in, a maichang ua lei tual si’n a bokkhup tau hi.

NEHEMIAH 9:1

Zia tha ah a ni sawmni leh li ni chun, Israel mipite chu anngawl ah saidip puan sil in, leivui kibuak khum in a kikhawm tau a.

JOB LEKHABU 16:15

Ka vun tuamna dingin saidip puan ka kikhû ta’n, ka hatna chu leivui lak in ka paitha tai.

SAM 69:11

Lusûnna saidip puan ka sil leh, a nuizatbûk uh ka hung hi tai.

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

JEREMIAH 1:10

En in, tu’ni hin nam tinte leh, lenggam tinte chung ah thuneina ka hun pia ta’n: botdok ding leh kaichim ding, susia ding leh paitha ding, sathak ding leh phu’kit dingin,” ti in.

KÂ LATE 2:10

Zion chanu upate chu thipbek in, lei tual in a kichu tau a; a luchung uh leivui kibuakkhum in, saidip puan a sil ui; Jerusalem ah ngaklakte chun, a luu ah leisi’n a kikhâikhu zo tau hi.

EZEKIEL 4:6

Zia chu la bawl zaw phat leh, a niveina dingin, la changlam delpha in lum kit in, Judah Inkuante gawtna ding chu la puak ding ahi; ni khat tawh kum khat kituk ding ah hisap in, ni sawmli la lup ding ahi.

DANIAL 12:7

Puan malngat ah kithuam, luinâk lam ah umpa chun a khut changlam leh a khut veilam van lam in a jak to a. Ama’n zia hun tunna ding chu hun khat, hun ni leh hun kimkhat zaw leh mithiangthote thilhitheina sukchimitna tung intin, ziaphat chuleh, zia thil zosia bukimna chu tung ta’n a, ti’n kumtuang ah hingzingpa min ah kipautiam hial in a hun gen a.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

DANIAL 8:14

Chuleh, a hun dawnhu a: “Jing kalte leh nitâkte sang ni leh za thum bei nung leh mun thiangtho chu a umna ding tak ah tundin kit hita’n a,” a hun tia.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JONAH 3:5

Nineveh khua mipite chun Pathian a taksang tau a; anngawl ding thu a puang ua; mitin, a lian a neu in saidip puan a sil tau a.

JONAH 3:8

Mihingte leh ganchate’n saidip puan sil uh hen la, aw ngai tak in Pathian ko chiat tau hen. Mitin in a thil phalo bawl uh haisan in, a khut ua thagum sua’na chu haisan chiat tau hen.

KISIMNA LEKHABU 11:26

Giamun ah chun mi pani a um den un, khatpa min chu Eldad ahi’n, khatpa min chu Medad ahi; a chung un thagau a hung um ta’n, a min kikhumte lak ah pang himaleu, biakbûk ah pawtdok lo a, giamun ah thugen a la hiu a.

MATTHAI 11:21

Korazin, la chung a gik hi! Bethsaida, la chung a gik hi! Nangmau mit mu ah thilmak kibawlte kha, Tura leh Sidon khua’ kibawl hita ma leh, ma tak ah khan saidip puan sil in, vut lak ah kichu’n a gitlo uh haisan ta’n au.

MATTHAI 18:16

A ngai nop lo leh vang, midang pakhat a hem, pani a hem pui inla, thu zosia chu hetpi pani a hem, pathum a hem kam ah sukdet ah a um theina dingin.

LUKA 10:13

Korazin, la chung a gik hi! Bethsaida, la chung a gik hi! La sung ah thil lopi tak kibawlte hi Tura leh Sidon ah a la kibawl hileh vang, saidip puan kisil in, vut kibuak khum in a gitlonateu a la haisan zo ta ma ma in au!

LUKA 24:48

tichun, nanghaw hi zia thilte hiatpite chu la hitau hi.

JOHAN 15:27

Nangmaule a lim ah kipat ka kiang ah um la hiziak un, keima chanchin genjakte hung hiding la hiu, a tia.

JOHAN 3:27

Johan chun a la dawnhu a, van ah kipat piak a hilo ngal ua leh, kuama’n bangma a nei thei puau hi.

NASEPTE 1:8

Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

NASEPTE 13:31

zia nung ah chun Galili gam ah kipat hung, Jerusalem khua a la umte kiang ah chun a kilâk kit a; tu’hin, amau chu mipite lak ah thu hiatsakte a hung hitau hi.

NASEPTE 2:32

Jesu chu Pathian in a kaitho ta’n, zia chu ka leng ua hin a hiatpitute ka hiu hi.

NASEPTE 3:15

Hinna Siampa chu la that un, Pathian in ama chu thina ah kipat in a kaitho tai. Zia chu keimau hi a hiatpitute ka hiu hi.

1 KORINTH 12:28

Pathian in kochuam ah chun zia gual hin a guat a: Pakhatna chun apostolte, a panina chun thugente, a pathumna chun mihilte a koi ah; ziazaw chun thilmak bawlte, ziazaw chun hi’dam theina thilpiakte, panpi theina thilpiakte, vaihawm theina thilpiakte, pau chuam chuam ah thugen theina thilpiakte a um kit hi.

2 KORINTH 13:1

Zia hi la kiang ua ka hung thumveina ding ahi tai. “Hiatpitu pani a hem, pathum a hem kam ah chun thu zosia sukdet ding ahi”.

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

DAN LEKHABU 17:6

Hiatpitu pani a hem, pathum a hem kamsuak ah kipat in thitâk ah umte chu tha sek ding a hiu; mi pakhat mai hiatpitu kamsuak ziak in kuama that kiu in.

DAN LEKHABU 19:15

Tualthat a hem, thil phalo bawl leh mi gitlona him him chu, thiamlo chansakna dingin hiatpitu pakhat mai thu chu a hun tawk puai. Hiatpitu pani a hem, pathum a hem hetna bep in thiamlo chansak tak tak hi bep ding ahi.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

THUPUAN 11:2

“Ahi’n la, Pathian tempul paw lam huang sung hivang te’ kin, Jentelte kiang ah piak ei tai; chuleh, amau chun zia khaw thiangtho hi tha sawmli leh tha ni chuan dên in au.

THUPUAN 11:6

Ziate chun a thugen sungsiau guazu lo dingin van hi’pin theina a nei un, tuite le thisan suaksak theina a nei un; chuleh a nop hun hun un khawvel ah hipi lênsak ah sukchimit theina a nei ui.

THUPUAN 12:6

Chun, numeinu chu ni sang khat za ni leh sawmguk vâk ah a umna ding mun, Pathian mun guanggal piakna gamthip ah chun a jam mang tai.

THUPUAN 13:5

Ama chu pau uanna leh Pathian gensiatna kam piak in a um ta’n; chuleh tha sawmli leh tha ni tiang thilhitheina a mat phal piak ahi tai.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

THUPUAN 20:4

Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.