THUPUAN 10:4 - PATHIAN LEKHABU THIANGTHO (BSI)

⁴ Van-gi sagite’n a awu a sua phat un, zik ding ka guat leh, van ah kipat awgi chun ka kiang in, “Zia van-gi sagite thugen chu zik kin la, îmchak kei in,” ei hun tia.

THUPUAN 10:4 ပူးပေါင်းရင်းမြစ်များ

ISAI 29:11

Nang uh â dingin zia thil hung tung ding kilâkna zosia hi, lekhabu kichâlmat sung ah thu kijik gual bep ahi ngal a. Mi khat in zia lekhabu chu a sim thei khat kiang ah pia’n, “Hun sim tiam in,” ti leh, ama chun, “Ka sim thei puai, a kichâlmat ahi hilam,” ti ding ahi.

ISAI 8:1

Chuleh, Lalpa‘n ka kiang in, Lekha zikna ding suangpêk lian tak khat hun la’n la, a chung ah lekhamal lian in, “Maher-shalal-hash-baz â ding,” ti’n zik inla;

ISAI 8:16

Zia thu hiatsak hi chûn tûp inla, zilsakna thu hi ka nungzuite lak ah îmchak in.

DANIAL 12:4

Himaleh, aw nang Danial, huntawp masia zia thute hi îm inla, lekhabu chule châldet mai in. Mite chu tai vêl het hut intiu in, siatna pung ma ma ta’n ah, a hun ti tai.

DANIAL 12:9

Ama’n ka kiang in, “Danial, chia mai ta’n; zia thute hi huntawp lam masia îm ah châlbit tâk di phot ding ahi.

DANIAL 8:26

Nitâk lam leh jingkal lam thu, mu’lawkna la kiang ah hun kihil hi a dik ahi. Ahi’n la, ni tam tak nung lam ah thil hung um ding kigenna ahi ziakin, nang in vang la thil mu hi îmchak phot mai in, a hun ti tai.

DAN LEKHABU 29:29

Thil kisêlgute chu Lalpa I Pathian uh â ahi’n; a hin la, tâklat ah umte vang eimau leh I suanteu â dingin zia dan zosia hi kumkhua I zoptheina ding un ahi.

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.

THUPUAN 1:19

Ziaziakchun, la thil mute, thil um zingte leh tu’nung ah hung um dingte chu zik in.

THUPUAN 10:8

Van ah kipat aw ka het khan, thu ei gen kit a: “Chia inla, tuisuagiat leh mualkâng chuantua, vansawlchâk khut ah lekhabu neucha phêtsa kha vala’n,” ei tia.

THUPUAN 22:10

Ama chun ka kiang in, zia lekhabu thu kigente hi koithip ziang kin, a hun a nai tangal a.