THUPUAN 1:4 - PATHIAN LEKHABU THIANGTHO (BSI)

⁴ Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 1:4 ပူးပေါင်းရင်းမြစ်များ

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

ISAI 11:2

Pilna leh hetthiamna Thagau, lemhetna leh hatna Thagau, hetna leh Lalpa launa Thagau, Lalpa Thagau ngei chun hun thuam ta’n tin,

ISAI 41:4

Zia chu kua’n a bawl, kua’n a la guanggal ah, a tîl ah kipat khang tam tak hun kodokpa chu kua a hem? Keima, Lalpa hi a masa pen ah umpa leh, a nunung pen ah le pang ding ka hi.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

ZEKARIAH 3:9

Joshua ma-âng ah suang pakhat ka koi chun, mai sagi a nei in; zia chung ah chun lekha zik ing ka tin; tichun, zia gam pumpi khawlo’na hi ni khat sung in la mang ding ka hi’ngal a, ti’n sepai honte Lalpa chun a gen ta’ngal a.

ZEKARIAH 4:10

Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi Lalpa mit, kawlkil zosia mu suak chu a hi, a ti’n.

ZEKARIAH 6:5

Vansawlchâk chun, “Ziate hi van ah huipi pali lei chung pumpi Lalpa âng ah a vakilâk zaw phat ua leh van ah hui pali hung pawtdok dingte chu a hiu.

JOHAN 1:1

A tîl in Thu a um a, Thu chu Pathian tawh um ahi’n, Thu chu Pathian ahi.

NASEPTE 19:10

Tichun, kum ni sung hial chu zia gual ah chun a sunzom pek a; Asia gam ah um zosia Juda mi hi’n Grik mi hileu, Lalpa chanchin chu a he suak tau hi.

NASEPTE 2:9

Parthai mite, Mid mite, Elam mite leh Mesopotamia gam, Judea gam, Kappadokia gam, Pontus leh Asia gam ah chêngte leh,

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

1 KORINTH 1:3

I pau Pathian leh Lalpa Jesu Khrista ah kipat hepina leh thamuanna nangmau ah um zing ta hen.

2 KORINTH 1:2

I Pau Pathian leh I Lalpau Jesu Khrista ah kipat hepina leh thamuanna chu nangmau ah um ta hen.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.

THUPUAN 1:17

Zia gual ah ama ka mu phât chun a kengbul ah mithi gual in ka kipûk ta’n. Chuleh, ama chun a khut changlam ka chung ah koi in, “Lau kin, a masa pen leh a nunung pen chu ka hi.

THUPUAN 1:20

Ka khut changlam ah aksi pasagi la mute leh, sana thaumei koina pasagi la mute umzia thugûk chu: Aksi pasagite chun kochuam pasagite vansawlchâkte chu a etsak un; chuleh, thaumei pasagite chun kochuam pasagite chu a etsak ui,” a hun ti tai.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

THUPUAN 16:5

Ziaphatchun, tuite vansawlchâk chun: “Aw Lalpa, nangma a um tasa leh, a um lai tak leh a um kit ding chu la hi; zia tawhbang ah vai la hawm ziak hin, midik la hi.

THUPUAN 2:12

Pergamum khua kochuam vansawlchâk kiang ah chun, zia gual hin zik in: Chemjam hiamtua hiam tak neipa khan, zia thu hi a gen hi:

THUPUAN 2:18

Thuatira khua kochuam vansawlchâk kiang ah chun zia gual hin zik in: Pathian Chapa, meikuang gual mit nei ah, a keng sum-eng gual ah val khan zia thu hi a gen hi:

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

THUPUAN 22:16

Kei Jesu hin, zia thute hi kochuamte hiatsak ding ah ka vansawlchâk chu ka sawl ahi. Keima David suan leh a phung bulpi Jingsol aksi vâk chu ka hi, a tia.

THUPUAN 22:8

Zia thilte hi keima Johan ngei in ka mu leh ka hiatte chu ahi. Ziate hi ka mu leh ka het phat in, ei etsakpa vansawlchâk kengbul ah chun ama biak ding gua’n ka bokkhup a.

THUPUAN 3:1

Chun, Sardis khua kochuam vansawlchâk kiang ah chun, zia gual hin zik in: Pathian Thagau pasagi leh aksi pasagi neipa chun, zia thu hi a gen hi: La thil hi’te ka hiai, a thi hingal ah hing min la put hi.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

THUPUAN 4:5

Chun, zia lalchutpha ah kipat chun, kawlphete, van-gite leh awte a gi zung zung ah; chuleh, zia lalchutpha ma-âng ah chun thaumei pasagi a kuangsa’n a um zing in; zia chu Pathian Thagau pasagite chu a hiu.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.

THUPUAN 8:2

Ziaphatchun, Pathian ma ah vansawlchâk pasagi ding ka mu’n; pengkul pasagi a hun piau a.