THUPILTE 11:3 - PATHIAN LEKHABU THIANGTHO (BSI)

³ Midikte chu a ginumnau in a pui huai in, ahi’n, mi dawhathûkte chu, a lungthim siatnau in a hi’mangthai hi.

THUPILTE 11:3 ပူးပေါင်းရင်းမြစ်များ

SAM 25:21

Ginumna leh dikna’n ei humbit ta’n, ka hun ngâk zing hi.

SAM 26:1

Aw Lalpa, ka dikna latsak ta’n; lungthim dik tak pu ka hi’ngal a; ginglâ lo hial in Lalpa chu ka taksang hi.

THUPILTE 11:5

Demna bei mi chu a dikna chun lampi zang ah pui zing intin; ahi’n, mi nunsia chu amau nunsiatna ma ma in kipûk in au.

THUPILTE 13:6

Diktatna chun mi lamzangte a chingtup in; gitlona chun vang mi nunsiate a buan pâi sek hi.

THUPILTE 19:3

Min ama ngolna ziak ah siatna a tuak phat leh, Lalpa chung in a phunchiak sek hi.

THUPILTE 2:22

mi gi’nalote chu lei chung ah kipat hi’mangthai hi’n tiu in, mi ginumlote chu a bul a bâl ah bawdaw in um ding a hiu.

THUPILTE 21:7

Dik tak ah thil a bawl tâk lo ziak un, mi nunsiate thagum hatna mut mang in um ding a hiu.

THUPILTE 22:12

Lalpa mitmei chun hetthiamna neite chu a vop pha sek in; ginna beite thugen ahileh vang a paitha sek hi.

THUPILTE 28:18

Kuale dik tak ah um tapo chu bit intin, diklo tak ah um tapo chu kawkhûk ah kilîk lût in au.

THUGENTU 7:17

Gilo talua kin la, a ngol le hi diak kin; la thi hun lo ah bangatia thi mai ding la hem?

ISAI 1:28

Ahi’n, migilote leh thil hikhial te chu, hisiat khawm in um ta’n tin uh; chuleh, Lalpa ngaisaklote chu, sukchimit in um in au.

KISIMNA LEKHABU 31:8

Midiante tam tak a thalup bân un, Midiante lal panga a thalupteu chu: Evi, Rekem, Zur, Hur tawh Reba a hiu ah; chuleh, Beor chapa Balaam le chemjam in a satlum tau a.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.