THUPILTE 10:2 - PATHIAN LEKHABU THIANGTHO (BSI)

² Nunsia tak ah go khol khawm chu lawkna a um pua’n, dikna’n ahileh vang thi’na kipat in a hukdok sek hi.

THUPILTE 10:2 ပူးပေါင်းရင်းမြစ်များ

THUPILTE 11:4

Lungnatna ni ah chun nei leh lam in, phatchuamna nei pua’n tin; ahi’n, dikna chun vang, thi’na kipat in hukdok in a.

THUPILTE 12:28

Dikna lampi chun hinna a um in, zia lampi zui chun thi’na a tuak puau hi.

THUPILTE 13:11

Bailam tak ah hausakna kilakhawmte chu, bailam tak in kiamtha kit intin; tha gim tak ah neucha cha lakhawmtu vang chu pung in a.

THUPILTE 21:6

Zuau gen thiam ah go kichom khawm chu, phâisûm jing tawhbang leh thi’na thâng ahi.

EZEKIEL 7:19

A dangka thîkteu kotzingte ah thejak intiu in, a sanateu le buaksia gual in koi ta’n au. Lalpa lungnatna nikhua chun, a dangka leh sanateu chun hukdok thei ta pua’n a. Ziate ah chun a gilkialnau nêm pua’n tin, a gil uh le vâsak diak pua’n a. Zia chu a khawlo’nau ah a kisuinau ahi tâk ziakin.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

ROMTE 5:21

Tichun, thina’n vai a hun hawm gual in, hepina chun, Jesu Khrista I Lalpau ziakin, kumtuang hinna lutna dingin dikna chun vai a hun hawm ta ahi.

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.