THUGENTU 2:3 - PATHIAN LEKHABU THIANGTHO (BSI)

³ Mihing dam sung chomcha sung ah hin, khawvel ah thil a bawl ding ua pha pen chu ka mudok masia’n, ka lungthim ah pilna hawl in, uain ah ka taksa kipaksak ding dan leh, ngolna tuktân ding dan theitawp in ka hawl sek a.

THUGENTU 2:3 ပူးပေါင်းရင်းမြစ်များ

THILSIAM THU 47:9

Jakob in Pharaoh kiang in, “Ka khualzinna kum sung chu kum za leh sawmthum a hita’n, ka dam sung kumte hi a tawm in, a genthei um ahi; ei suante a khualzinnau kum jat le pha lo ahi,” a ti’n.

JOB LEKHABU 14:14

Mihingte a thi’nung un hung hing kit ding a hiu em? Ka sepgimna ding nite chu a hung bei ah, thâdaw ah ka umna ding hun chu, a la ngak mai ing ka.

SAM 104:15

mihing thinlung kipaksak dingin uain la pia’n, a mai taina ding sathau tawh, a thinlung suk-hatna ding vaithum le la piai.

THUPILTE 20:1

Zu hin mi a suchavai ah, zukha hin mi a kinaksak hi; kuale zia haw bawl taphot chu mipil ahi puai.

THUGENTU 1:17

Chuleh, ka lungthim chu pilna he ding leh, ngolna leh mawlna le hechian dingin ka pia’n. Zia hile huizang mat gua tawhbang bep tho ahi ti ka he tai.

THUGENTU 10:19

Limna dingin luaithena siam ahi’n, uain in hinna a hitai in; dangka chu thil zosia awnghukna’n a pang hi.

THUGENTU 12:13

A bawn ah thu khâkna chu ngaitha’i tiu: Pathian chu lau inla, a thupiak vop zing in; zia chu mitin hi’ ding ah poimaw pen ahi ngal a.

THUGENTU 2:24

Mihing â dingin ne leh dawn ah um ah, a sep gimnau ah kipakna a mu khêl ua thil phazaw a um puai. Zia hile Pathian khut ah kipat bep ahi ti chu ka mu ta’n;

THUGENTU 5:18

Zia hi ahi thilpha hiding ah ka mu chu: Min khawvel ah a sepgimna man ga pha tak, Pathian in damsung nikhua chomcha a piak sung ah a lâk khawm chu a nêk ah, a dawn ah, a nopchên thei chun, zia chu a chantum ahi mai hi.

THUGENTU 6:12

Mihing dam sung nikhua lîm gual ah bei ziang, bangmalo leh chomcha sung ah hin, mihing â ding ah pha pen chu bang a hem ti kua a hem he ngai? Khawvel ah hin a nung ah thil hung tung ding kua a hem hil thei ding?

THUGENTU 7:18

A pakhat zaw la tûk det chu a phai, a hi’n la, khat zaw chule tha’suak diak lo in; Pathian ki’chate chu a pani ni’n a lawting sek ui.

THUGENTU 7:25

Ka lunggil chu pilnate leh thil umdante hechian ding leh, mu ding leh hawl dingin ka mang ah; nunsiatna hi ngolna ziak ahi dan leh, mawlna hi ngolna ziak a hidante hi hechian dingin.

THUGENTU 8:15

Nuam tak ah um hi pha kasa tai; khawvel ah hin mihing in nêk leh dawn ah a kihilim khêl ah pha a um puai, ka ti ahi; Pathian in khawvel ah damsung hun chomcha a piak sung ah hin, a sepgimna ga a kinêk khêl ah pha ka mu paw’ngal a.

MATTHAI 6:24

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

VAIHAWMTE 9:13

Himaleh, grep gui chun: ‘Thingte chung bep ah vaihawm ah ka hung pan chun, bangti’n pathiante leh mihingte hi’kipâk pen uain chu, pûtsak thei ta ding ka hem?’ ti’n a dawnhu a.

1 SAMUEL 25:36

Abigail chu Nabal kiang a hung tung kit ah; ama chun lengpa gual ah a In ah luaithe’na thupi tak a siam lai tak ahi’n. Nabal chu zu a dawn kham ziakin, lungthim nuam tak in a la um ah; tichun, jingkal lam ah khawvak masang sia bangma a hil puai.