THILSIAM THU 9:2 - PATHIAN LEKHABU THIANGTHO (BSI)

² Nangmau kichâtna leh launa lei ah sa zosia leh chung ah leng vacha zosiate hin nei intiu in; lei ah bokvâk zosia leh tuisuagiat sung ah um zosiate chu la khut ua piak ahi sik sek tau hi.

THILSIAM THU 9:2 ပူးပေါင်းရင်းမြစ်များ

THILSIAM THU 1:21

Chutichun, Pathian in tuisuagiat ah ganhing lianpi pite a siam in, ganhing tawithei zosia, tui in a pawt sak zosiate chu amau umdan ding gual chiat un a siam ah, vacha tha nei chitinte, amau chi umdan ding gual chiat un a siam ah: Pathian in zia chu a mu in pha a sai.

THILSIAM THU 1:26

Ziaphatchun, Pathian in, “I kibatpiu, eimau gual mêlpu’n mihing siam hitiu; amau chu tuisuagiat ah sangate chung leh, chunglêng vachate, gancha leh gamsa zosiate chung leh lei chung ah bokvâk zosia chung ah thu neisak hitiu,” a ti’n.

THILSIAM THU 1:28

Chutichun, Pathian in amau chu a maljawl ah: Pathian ma ma chun a kiang un, “Chi tam tak suan ah nei in hung pung unla, lei chung hi lua dim unla; la thu thu un umsak un: tuisuagiat ah sangate, chunglêng vachate leh ganhing lei ah bokvâk zosiate chung ah thu nei un,” a ti’n.

THILSIAM THU 2:19

Tichun, Lalpa Pathian in lei ah kipat in gamsa chitin leh chunglêng vacha chitin a siam ta’n; a min ding un bang sak ding ahi diam ti hetna dingin, Adam kiang ah chun a hun pui khawm chiat ah: thilhing zosia ama’n a min uh a la phuak zosia chu min in a nei den tau a.

THILSIAM THU 35:5

Chutia, a chia pek lai ua chun, a kîmvêl ua khawpite chung ah chun Pathian launa a um ah; tichun, kuama’n Jakob chate chu a del ta puau a.

THILSIAM THU 9:1

Chun, Pathian in Noah leh a chate chu a maljawl ah, a kiang un, “Suan tam tak nei in hung pung unla, lei hi hun lua dim tau in.

THILSIAM THU 9:3

Thilhing tawi thei chitinte chu la nêk ding uh hita’n tin; anche lohingte ka hun piak gual ma khan bangkim ka hun pia sik sek la hiu.

JOB LEKHABU 39:11

A thahat man in la sep ding zosia, sêm dingin la ngansia thei diam?

EZEKIEL 34:25

Chun, amau tawh kichamna thuthung siam ing ka tin, a gam ua kipat gamsa zosia delmang ing ka; tichun, gamtalai lak ah a nop dan dan un chêng in, thing lak gam inle bit tak in lum ta’n au.

HOSEA 2:18

Zia ni chun gamsate, chunglêng vachate leh lei ah bokvâkte tawh thuthung nang â dingin siam ing ka tin; thalpite leh chemjamte; chuleh, kidona lei ah kipat in subei ing ka tin; bit tak in lup thâksak ta’ng ka.

THIAMPUTE LEKHABU 26:22

Gam sahângte hun sawl ing ka tin, la lak ua la chateu hun tokmang in, la ganchateu hun ne zo in, nang uh hun hi’kiam intin, la lamlianteu le nutsia hung hita’n a.

THIAMPUTE LEKHABU 26:6

Chuleh, gam sung muanna pia’ng ka tin, lum hiat hiat in la tin uh, kuama’n hun sulau pua’n au: Gam sung ah kipat in gamsa gilote del mang ing ka tin, la gam un chemjam kilek diak pua’n a.

JAKOB 3:7

Gamsa leh vacha chitin, ganhing leh tuisuagiat ah ganhing chitin umte chu mite’n a vâkngam sek un,