THILSIAM THU 6:9 - PATHIAN LEKHABU THIANGTHO (BSI)

⁹ Ziate hi Noah suante a hiu: Noah chu midik leh ama khang ah mite lak ah demna bei ahi: Noah chu Pathian tawh a kivop zing ui.

THILSIAM THU 6:9 ပူးပေါင်းရင်းမြစ်များ

THILSIAM THU 10:1

Ziate hi Noah chapate: Shem, Ham leh Japheth suante chu a hiu ah; tui lêt nung ah chun chapate a nei chiat un.

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THILSIAM THU 2:4

Lei leh van a siam dan kha zia gual hi ahi: Lalpa Pathian in lei leh van a siam lai ah khan,

THILSIAM THU 48:15

Joseph chu a maljawl ah: “Ei suante Abraham tawh Isak ma-âng ah um sek Pathian, tu’ni tiang ah ei ching zingpa Pathian;

THILSIAM THU 5:1

Zia hi Adam suante khangthu chuanna lekhabu chu ahi: Pathian in mihing a siam ni khan Pathian tawh kipua in a la siam ah.

THILSIAM THU 5:22

Mathuselah a nei nung in Enok chu kum za thum sung Pathian tawh a kivop zing nalai un; chun, chapa leh chanu dang dang le a nei nalai hi.

THILSIAM THU 5:24

Enok chu Pathian tawh a kivop zing nalai un; chun, ama chu Pathian in a lâkmang tâk ziakin, a um ta puai.

THILSIAM THU 6:10

Noah in chapa pathum: Shem, Ham leh Japheth te hi a hing hi.

THILSIAM THU 7:1

Lalpa’n Noah kiang in, “Nang leh la chanaute zosia long ah chun lût un, nang chu tu’lai khangthakte lak ah ka mit mu in midik la hi ti ka hun he ta’ngal a.

2 SAMUEL 22:24

A ma-âng ah demna bei ka hi’n, diklona kipat ka kihêmdok sek hi.

1 LENGTE 3:6

Solomon in, “Ka pa, la suak David ginumna tawh, a dik tatna tawh, thu tak ah la âng ah a um dungzui in lungsiatna lian tak la musak ah, tu’ni tiang ah hin, a lalchutpha chu ding chapa la pia’n, zia nunnemna lian tak chu la vop ahi.

2 KHANGTHU 15:17

Israelte lak in vang thoimualte chu suksiat in a um puai. Asa chu vang a dam sungsia’n lungthim dik tak in a um zing hi.

2 KHANGTHU 25:2

A lunggil zosia’n zui lo maleh, Lalpa mit mu in lam dik a zui hi.

JOB LEKHABU 1:1

Uz gam ah chun mi pakhat a um ah, a min chu Job ahi. Zia mipa chu demna bei leh mi diktat, Pathian lau leh thil phalo him him bawl ngai lo mi ahi’n.

JOB LEKHABU 1:8

Lalpa‘n Setan kiang in, “Ka suak Job saw la ngaitua kha em? Khawvel ah hin ama tawh bang ah pha bukim, thutak, Pathian lau leh thil phalo lak ah kipat kisûm thei mi umlo ei ve,” a ti’n.

JOB LEKHABU 12:4

Ka gualte nuizatbûk ka hi; keima, Pathian ko ah a dawnhu sek, midik leh demna bei hi’ngâl in, mi nuizatbûk ka hi tai.

SAM 37:37

Dem kailote tepte inla, midiktat chu kansui in: kicham nuamte chun suan leh pâk, tasam lo ding ahi ngal un.

SAM 37:39

Mi dikte hukdamna chu Lalpa ah kipat ahi’n; ama chu a lungjin lai ua kisêlna kulpi ahi.

THUPILTE 4:18

Midikte lampi chu vang jingkal khawvak, sûn a hung hi masia a vâk phat deu deu gual ahi.

THUGENTU 7:20

Thilpha bep bawl, bangma bawl khial nei lo, zia khawvel ah hin a um him him puai.

EZEKIEL 14:14

Noah, Danial leh Job cheng thum khanle amau dikna ziakin, amau hinna bep a hukdok thei uh ahi kha, Lalpa Pathian in a ti ahi.

EZEKIEL 14:20

Noah, Danial leh Job, a sung ah um hiziang leule, a chapateu leh a chanuteu hukdok thei diak pua’n au; amau dikna ziakin amau hinna bep hukdaw hiding a hiu, ti’n Lalpa Pathian in sia a sam tai.

HABAKKUK 2:4

Chapote chu vak en tia! A thagau a sung un a dik ta puai; himaleh, midik chu a ginna ziakin a hing ui.

LUKA 1:6

Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.

LUKA 2:25

Zia lai ah chun, Jerusalem khua mi pakhat, a min Simeon kiti, mi kipezo tak leh midik tak, Israelte thamuanna ding ngâk in a la um a; ama chu Thagau Thiangtho in a thuam a.

LUKA 23:50

Zia hun ah chun, mi pakhat, a min Joseph kiti vaihawmte lak ah mi, mi diktat tak leh mi pha tak a um a.

NASEPTE 10:22

Amau chun, “Kornelia kiti, sepai za hotu, mi ginum tak leh Pathian kicha tak ah khawsa leh, Juda nam zosiate lak ah le minpha tak ah um chu, Pathian ah kipat hung vansawlchâk thiangtho hiatsak in, a In ah nangma vachia ah, la thugen a ngaithâk theina dingin a hung ko ding ah ei sawl ah, hung ka hiu,” a vatiu a.

ROMTE 1:17

Zia chun, Pathian dikna chu ginna ah kipat ginna ma ah taklat in a hung um tai: “Midik chu ginna’n hing in a,” ti zik gual ah khan.

GALATIA 3:11

Ahi’n, Pathian mit mu in kuama dan ah thiamchang a um puau hi, ti a kilang zing hi.

DAN LEKHABU 18:13

Lalpa la Pathian â ding bep ah ginum tak ah la umzing ding uh a hi.

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

2 PETER 2:5

Chuleh, ama ngaisaklote umna khawvel ah khan tui a lêtsak ah, malai khawvel chu a hawi pua’n; ahi’n la, dikna thugenpa Noah kha midang pasagi tawh a hukhing hi.