THILSIAM THU 6:3 - PATHIAN LEKHABU THIANGTHO (BSI)

³ Ziaphatchun, Lalpa’n, “Ka thagau mihingte kiang in umsak zing ta pua’ng ka, amau chu la phe leh vo mai ahi ngal un; a dam sung uh chu kum za leh sawmni tiang bep hita’n ah,” a ti’n.

THILSIAM THU 6:3 ပူးပေါင်းရင်းမြစ်များ

THILSIAM THU 6:2

pathian chapate chun mihing chanute chu mêlpha a sa ma mau ah; tichun, a dawi taphot uh chu a kichenpi ziang tau a.

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

SAM 78:39

Phe leh vo mai a hiu ti leh, huizang hung kit talo ding ah nung gual mai, a hiu ti a hezing hi.

SAM 90:10

Ka damsung niteu hi kum sawmsagi ahi’n, hatna ziakin kum sawmgiat le a hithei hi; a sawtna chule sepgimna leh buaina bep ahi; a bei pai in, keimau le ka beimang tau hi.

ISAI 5:4

Ka grep huan â ding ah ka la bawl lo, ka bawlbe ding bang a um nalai em? Grep ga pha tak hung ga ding ah ka kineppi siat tawh, a lêm ngen a ga ta mai hi!

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

JEREMIAH 11:11

Ziaziakchun, Lalpa‘n zia gual hin a gen hi: A pumpel theilo hial ding un a chung un siatna hun tunsak tei tei ding ka hi; ei hun ko maleu le a la ngaitha lo ding ka hi.

JEREMIAH 11:7

Aigupta gam ah kipat ka puidaw lai ah kipat tu’ni tiang hin, a kiang un gunchu tak in, “Ka thu ngai un,” ti’n ka la hillawk zing a.

KISIMNA LEKHABU 11:17

Hung suk ing ka tin, zia tak ah chun nangma hun ho ding ka hi; chuleh, nangma ah thagau um chu la khen ing ka tin, amau chung ah le koi ing ka; tichun, amau in mipite puakgik hun puakpi intiu in, nangma ngen in puakgik paw ta pua’n la.

JOHAN 3:6

taksa ah piang chu taksa ahi’n, Thagau ah piang chu thagau ahi.

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

1 THESSALONITE 5:19

Thagau chu sumit ki’un.