THILSIAM THU 45:6 - PATHIAN LEKHABU THIANGTHO (BSI)

⁶ Zia kum ni sung hi gam ah kial a tung ta hen, kum nga dang um nalai ding ahi; zia sung sia chu lou bawlna um pua’n tin, bu lâkna le um diak lo ding ahi.

THILSIAM THU 45:6 ပူးပေါင်းရင်းမြစ်များ

THILSIAM THU 37:2

Zia hi Jakob Inkuante chanchin chu ahi: Joseph chu kum sawm leh sagi ahi lai in, a suapite tawh gan a ching khawm ua; a pa jite Bilhah tawh Zilpah chate kithuapi in a pang ah; chuleh, a phatlonau chu Joseph in a pa kiang in a hilsawn sek hi.

THILSIAM THU 41:35

Chutichun, ama chun zia kum pha hung tun ding sung ah chun bu zosia chu lakhawm in, Pharaoh thunuai ah um dingin khawpi ah te chun sung khawm hen la, koitup hen.

THILSIAM THU 41:46

Aigupta lengpa nasem ding ah a lût kum ah chun Joseph chu kum sawmthum mi ahi ta’n. Chuleh, Joseph chu Pharaoh ma-âng ah kipat in a pawtdok ah, Aigupta gam chu a chuan suak tai.

THILSIAM THU 41:53

Kum phat hun sung, kum sagi Aigupta gam ah hung tung chu a hung bei ta’n;

THILSIAM THU 41:54

kial hun, kum sagi ding chu, Joseph gen gual ngei khan a hung tung pan ta’n. Gam tin ah kial a hung ke tai; Aigupta gam zosia ah chun vang nêk ding a um hi.

THILSIAM THU 41:56

Lei chung zosia ah chun kial a kiak tâk ziakin, bu sunkhawmna In zosia chu a hong ah, Aigupta mite kiang ah chun a zuak ta’n; Aigupta gam ah chun kial a nasa ma ma ngal a.

THILSIAM THU 47:18

Zia kum chu a hung bei phatin, a kum hung thak kit ah chun a kiang in a hung kit tau ah, “Ka dangka zosiau ka mat zaw tâk dan uh leh, ka gancha nei zosiau nang kiang ah ka hun piak dan teu hi ka lalpau kiang ah hin îm pua’ng kau: He pu, la mit mu ah hin ka taksau leh ka gamteu bep lo ngal bangma a um ta puai:

THILSIAM THU 47:23

Ziaphatchun, Joseph in mite kiang ah chun, “Ngai un, tu’ni hin nanghaw hi la gam pum ua Pharaoh â ding ah ka hun chawk la hitau. Zia tak ah hin nanghaw â ding ah buchi a um hi; lou ah chîng un.

PAWTDAWNA THU 34:21

Ni guk sung na sêm unla, a ni sagi ni chun la kichawl dam diu a hia; bu tu’hun hileh, bu ât hun hileh la kichawl him him ding uh ahi.

ISAI 30:24

Loukai ah pang bawngchalte leh sabiltungte chunle, bujêpna mol leh phajâp ah kijâp thiangsa bu gate chu ne ta’n au.

DAN LEKHABU 21:4

khua sung ah upate chun tuihing luanna mun phâihawm khat, lou ding ah kikaibuat nai lo leh thâichi le kitû nai lo na mun ah chun zia bawngchal chu, tuiluang lak ah chun a gawl ta’n uh hen.

1 SAMUEL 8:12

a khenkhatte chu sepai sang khat chung ah hotu dingte, sawmnga chung ah hotu ding bang in mang intin; a lak ua khenkhat chu a lou bawl ding, a bu-ât ding, a gâlvan bawl ding leh a sakol kângtalai siam ding bang in hun gawi ding ahi.