THILSIAM THU 41:8 - PATHIAN LEKHABU THIANGTHO (BSI)

⁸ Jingkal a hung hiphat in, a lungthim chu a buai ma ma ziang ta’n. Tichun, Aigupta gam ah mipil zosia leh dawithiam zosia chu ko khawm dingin mi a sawl ta’n. Pharaoh in a kiang un a mang chu a hil ah; himaleh, Pharaoh mang hilchian piak thei pakhat chale a um puau hi.

THILSIAM THU 41:8 ပူးပေါင်းရင်းမြစ်များ

THILSIAM THU 40:6

Chuleh, jingkal in Joseph a kiang un a valut ah, lungngai tak ah um a hiu ti chu a vamu ta’n.

THILSIAM THU 40:8

Amau chun a kiang in, “Mang ka nei un, ei hilchian piak thei kuama a um puau hen,” a tiu a. Joseph in a kiang un, “Mang hilchiannate chu Pathian â hilo a hem? Ei hil tiam un,” a tia.

THILSIAM THU 41:15

Pharaoh in Joseph kiang in, “Mang ka nei in, a hilchian thei kuama a um puau a. Nang in mang chu a thu la het chun la hilchian thei hi ti la chanchin mi gen ka la hia’i,” a tia.

THILSIAM THU 41:24

ahileh, buvui ngat sil selte chun buvui pasagi, pha tak takte chu a val zo ta mai un: ahi’n, dawithiamte chu ka hil in, himaleh, ei hilchian piak thei kuama a um puau hi,” a ti tai.

THILSIAM THU 41:7

Aleh, buvui ngat chin chente chun buvui lian tak tak, pha tak takte chu a val zo ziang tau a. Pharaoh chu a hung khanglo kit ta’n: a mang a la hita mai hi.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

PAWTDAWNA THU 7:11

Ziaphatchun, Pharaoh in a mipilte leh dawithiamte a ko khawm ah; chuleh, Aigupta gam ah mitvaidawi thiamte chun le a dawithiamnateu chu mang in zia gual ma chun a hun bawl tau a.

PAWTDAWNA THU 7:22

Himaleh, Aigupta mi dawithiamte chun le a dawi uh mang in zia gual ma chun a bawl ua; ziaziakchun, Pharaoh lungthim chu sukkhau in a um zing ah; tichun, amau chu a limsak nuam diak puai; Lalpa’n a la gensa gual ah khan.

PAWTDAWNA THU 8:7

Ahi’n, dawithiamte’nle a dawi uh mang in zia gual ma chun a bawl ua; tichun, Aigupta gam sung ah chun ukêng a lênsak tau a.

PAWTDAWNA THU 9:11

Zia meimasia ziak ah chun dawithiamte chu Mosi âng ah chun a pang zo ta puau ah; meimasia chu dawithiamte leh Aigupta mite zosia chung ah chun a tung ta ngal a.

ISAI 19:3

Aigupta mite thil guanggal zosia, ka hisiat piak ding ziakin, a sung ua a thagau uh chu suadok piak ing ka; tichun, milimte leh mithisate, thithate leh dawi leh kaute hun dong ta’n au;

ISAI 29:14

ziaziakchun, ngai un, zia mite chung ah hin, thil kidang leh mak tak, thil lamdang tak chu hun bawl nalai ding ka hi; a mi pilteu pilna chu bei ta’n tin, lem hete lem hetna chule, sêlgûk hi zo ta’n a,” ti in.

ISAI 8:19

Tu’hin, mite’n la kiang un, “Thugen ah phun chul chul thithate leh âisân thiamte chu dong tau inla,” a hun ti phat uh leh, mite’n a Pathian uh dong zaw lo ding a hiu em? Kua’n mihing sâng ah mithi dong zaw ding a hem?

DANIAL 1:20

Pilna thu leh hetthiamna lam thu ah lengpa’n a dot taphot chu, a gam sung ah mitvaidawi thiam leh âisân thiam zosia sâng in ale’ sawm in a thiam zawu a.

DANIAL 4:18

Zia chu keima, Lengpa Nebukadnezar mang chu ahi. Tu’hin, nang Belteshazzar, ei hilchian piak in; ka lenggam ah mipilte zosia a hilchian thei a um paw’ngal un. Nangma ah pathiante thagau thiangtho a um ziakin, la hilchian thei ngal a,” ti’n a gen a.

DANIAL 4:19

Ziaphatchun, Danial, Belteshazzar kiti chu, lungkham tak in chomkhat a um a. A ngaituanate chun a sudîpchâk ta’n. Lengpa chun, “Belteshazzar mang hileh, a hilchianna chun hun subuai kiu hen,” a tia. Belteshazzar in, “Ka lalpa, mang chu nang hun mudate chung ah tung hen la, a hilchianna chule la mêlmate chung in tung ta hen!” ti’n a dawnhu a.

DANIAL 4:5

Ei sudîpchâk ma ma mang khat ka nei in; ka lupna chung ah ka ngaituanate leh, ka luchang in kilâkna a mute chun ei sulau ma ma tai.

DANIAL 4:6

Tichun, Babulon ah mipil zosia ko khawm ah, ka mang ei hilchian piak dingin thupuan ka bawl ta’n.

DANIAL 4:7

Tichun, mitvaidawi thiamte, Kaldaite leh âisân thiamte chu a hung khawm un, ka mang chu a kiang un ka hil ah; himaleh, a hilchian thei a um puau hi.

DANIAL 5:11

La lenggam sung ah hin pathian thiangthote thagau chênna mi pakhat a um hi. La pa dam lai ah khan, ama chun pathiante gual ah thil kisêlgu hiattheina, hetdik theina leh pilna a nei hi. La pa Nebukadnezar in ama chu mitvaidawi thiamte, âisân thiamte, Kaldaite leh dawithiamte zosia chung ah hotu’n a la siam a;

DANIAL 7:28

Zia tiang ah chun a thu a tawp tai. Keima Danial vang, ka ngaituana’n ei hi’lau ma ma in, ka mai a hung dâng hial tai; himaleh, zia thu chu ka lungthim in ka vop zing tai.

DANIAL 8:27

Tichun, keima Danial chu lungkham in, ni bang jat a hem damlo in ka um tai; ziaphatchun, ka thodok ah, lengpa na ka sêm pan kit tai. Himaleh, ka thil mu’lawk chun ei sulungjing ma ma ah, ka hilchian thei him him puai.

THIAMPUTE LEKHABU 19:31

Nangma kihibuakna dingin, dawi leh âisân thiamte dot leh ho in nei kin; Keima hi Lalpa la Pathian uh ka hi’ngâl a.

THIAMPUTE LEKHABU 20:6

Dawithiam lam ah kihei leh bum thiam zui ah thanghuaite chu do dingin ângngat ing ka tin; a chipite lak ah kipat paitha ding ka hi.

HABAKKUK 3:16

Ka het phât in ka sunggil a kithing ah; a git chun ka mûknote lau in a kithinsak hi. Ka gusung un muatna a lut in, ka nuai ah ka kalsuante a kilîng hi. Kei uh ei do’te chung ah siatna nikhua hung tung ding chu; thipbek in ka ngâk ta mai ahi.

MATTHAI 2:1

Lengpa Herod hun lai ah, Judea gam Beth-lehem khua Jesu a hung pian in, sualam ah mipilte Jerusalem ah a hung un:

NASEPTE 17:18

Epikuria mi leh Stoik mite lak ah mithiam khenkhat inle a hung kinialpiu a. A kim khat in, “Zia mi kamtampa hin bang a hem a gennop?” a tiu a; a dangte chun Jesu leh thawkitna thu a gen ziak ah chun, “Gamdang pathiante thu genpa hi’n a,” a tiu a.

NASEPTE 7:22

Tichun, Mosi chu Aigupta pilna zosia zilsak a hung hi’zaw phatin, thugen leh nasep ah thilhithei tak a hung hi tai.

1 KORINTH 1:19

“Mipil pilna chu hi’mangthai ing ka tin, lem hete lemhiatna chule paitha ding ka hi,” ti zik ahi ngal a.

1 SAMUEL 6:2

Ziaphatchun, Philistinte chun a thiamputeu tawh a dawi thiamteu chu a ko ua, a kiang un, “Zia Lalpa thuthung thingkuang hi bang I law ta diam uh? A umna lam ah thak kit ding hileu hin bang tawh I thakkhawm diam uh?” ti’n a dong tau a.