THILSIAM THU 41:1 - PATHIAN LEKHABU THIANGTHO (BSI)

¹ Kum ni veng veng nung in, Pharaoh chun a mang lam in, Nail luipi gei ah hin a la ding a.

THILSIAM THU 41:1 ပူးပေါင်းရင်းမြစ်များ

THILSIAM THU 20:3

Himaleh, Abimelekh kiang in a mang lam in Pathian a hung kilâk ah, a kiang in, “Ngaitia, la numei pui ziak ah hin thi ding la hi tai; ama chu mi ji ahi ta’ngal ah,” a tia.

THILSIAM THU 28:12

Mang a hun nei ah: Lei leh van kikâl ah hin leilawn a hung kidaw ah; chuleh, zia chun Pathian vansawlchâkte a suk a to in a lawn ui.

THILSIAM THU 29:14

Chuleh, Laban in a kiang in, “Nangma hi ka gu leh ka phe ma ma la hi ngut hi lam!” a ti’n. Chutichun, a kiang in tha khat a châm tai.

THILSIAM THU 31:21

Chutichun, a nei zosia tawh a tai mang ta’n; chun, a kipan ah, Euphrates luipi a kân in, Gilead tânggam lam zuan in a chia tai.

THILSIAM THU 40:23

Ahi’nla, uain pia hotupa khan, Joseph chu hezing talo in, a hemil veng veng ziang tai.

THILSIAM THU 40:5

Suangkul ah um Aigupta leng uain pepa tawh vaithum siampa chun, a paniu in jan khat thu’n umzia nei tak mang a hun nei gêl tau a.

THILSIAM THU 41:2

Nail luipi ah kipat chun, bawngpi hoi leh thau tak tak pasagi a hung pawtdok ua, phâikhûl lak ah chun a ta tau a.

ESTHER 6:1

Zia jan ah chun lengpa chu a ipmu thei ta pua; lengte chanchin poimaw tepte’na lekhabu hun la dingin thu a pia; ziate chu a kiang in a sim tau a.

PAWTDAWNA THU 1:22

Ziaphatchun, Pharaoh in a mipite kiang in, “Hebrai mite chapa zosia chu Nail luipi ah la pai lut sik sek diu ahi, numeite bep la hawi ding uh ahi,” ti’n thu a pia tai.

PAWTDAWNA THU 4:9

Zia tepte’na teni natiang hile a taksan lo ua, la thugen a ngaisak diak lo ua leh, Nail luipi ah kipat in tui thâl dok inla, lei hul ah sungtha lechin thisan suak mai ding ahi,” a tia.

ISAI 19:5

Nail luipi ah tuite chu kang intin, a luidung chu hul in, keugawp ta’n a;

EZEKIEL 29:3

zia gual hin gen in: Lalpa Pathian in zia gual hin a gen hi, ti’n la: “Ngai in, Nail luipi hi kei â ahi’n, kei â ding ah ka siam ahi,” tipa chun dragon lian tak luidung ah um gual ah, Aigupta lengpa Pharaoh, ka hun do la hi.

EZEKIEL 29:9

tichun, Aigupta gam chu a hawm leh a ngawnchang ah nutsia hita’n a. Ziaphat chuleh, Keima hi Lalpa ka hi ti he ta’n au. Nang in, “Nail luipi hi kei â ahi, ka kisiam ahi,” la tingal a;

MATTHAI 27:19

Chun, vaihawmna chutpha a chut lai in, a ji chun, “Zia midik chung ah khan bangma hi’kin, tu’ni hin ama ziakin ka mang in thil tam tak ka thuak ahi,” ti’n mi a hun vaithâk a.

DAN LEKHABU 11:10

La hun luana ding uh gam chu, la hung pawtdawnau Aigupta gam, thâi la chîn ua, huan ah thâichi gual ah gim tak ah tui la piaknau gam tawhbang chu ahi puai.