THILSIAM THU 4:7 - PATHIAN LEKHABU THIANGTHO (BSI)

⁷ A dik chu bawl lechin, bang ding ah pom hilo diak ding la hem? A dik la bawl diak lo chun, gitlona chun la kotkhak bul ah a hun châng zing hi; nang hun zaw gua ahiziak in, nang in la zaw guat ngei ngei ding ahi,” a ti’n.

THILSIAM THU 4:7 ပူးပေါင်းရင်းမြစ်များ

THILSIAM THU 19:21

Chun, ama’n a kiang in, “Aw le, la thil dot chu ka hun phal piak hi, la gen gual in zia khua chu suksiat hipua’n a.

THILSIAM THU 3:16

Numei kiang ah chun: “La nauvopna la haksatna, nasa tak in belap ing ka tin, haksa tak in cha hing sek ta’n la; la nopna chu la pawsal lam ah hi’ntin; ama’n la chung ah thu nei zing in a,” ti’n a gen tai.

2 SAMUEL 24:23

Aw lengpa, zia haw zosia hi Araunah in lengpa a hun pia tai,” ti’n a gen ah. Chuleh, Araunah in lengpa kiang in, “Lalpa la Pathian in a pha lam lam in hun dawnhu ta hen,” ti’n a gen tai.

2 LENGTE 8:28

Ama tawh Ahab chapa Joram chu Ramoth-gilead ah Aram Lengpa Hazael do dingin a kuan to ua, zia chun Aram mite’n Joram a la hi’liam tau a.

JOB LEKHABU 11:14

Thulimlona chu la khut ah a um chun, gamla tak ah koimang inla, la puanbûkte ah chun nunsiatna chên densak kin.

JOB LEKHABU 11:15

Chutileh, la mai chu dem kâi lo in, dadok ta’n la tin; bit tak ah um in, lau pua’n la.

JOB LEKHABU 29:4

ka puanbûk ah Pathian tawh ka kithua lai ua, ka vânglai nite kha;

JOB LEKHABU 42:8

Ziaziakchun, tu’hin, bawngchal pasagi tawh belamchal pasagi, ka suak Job kiang ah hun kai unla, hâlmang thillat vakibawl un; chuleh, ka suak Job in hun pauchap piak intin, zia chu a la pom piak ing ka tin, la mawl dungzui un hun thuk pua’ng ka; ka suak Job gual in ka chung thu dik tak in la gen paw’ngâl ua,” ti in.

THUPILTE 18:5

Midik lo doisak zawk chu a pha pua’n; vaihawmna midik thiamlo chansak chule a pha diak puai.

THUPILTE 21:27

Migilo kithoina chu luaksuak um tak ahi’n; ngaituana phalo pum ah a thillat hun chawi vang chu, bang gual bep in a luaksuak a um ta diam!

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

MALAKI 1:10

Nanghaw lak ah mi pakhat bêk ka mâichâm ah a thawn mai ah mei sêm ahilo’na ding ah, ka tempul kotkhak vakhâk ding um maileu chin aw! La chung ua kipakna him ka nei pua’n, la khut ua kipat thillat chu pom him him pua’ng ka, sepai honte Lalpa chun a ti ahi.

MALAKI 1:13

“Ningtelsak ahi,” la tiu a, la nâk uh la nîlsak ui, sepai honte Lalpa chun a ti ahi. Thagum ah la lâkpiakteu, a kengbai a hem, a hisêl lo a hem haw chu la hun lân ta mai un! La khut ua kipat in zia gual thilte chu a la pom ding ka hia hem? Sepai honte Lalpa chun a ti ahi.

MALAKI 1:8

Kithoina ding ah gancha mitthûm la hun lat uh hi la bawl dik nau em? A kengbai a hem, a hisêl lo a hem la hun lat sek uh hi bawlkhial kisa lo la hiu em? Zia gual te chu la gam vaihawmteu vapia ma tiam un; ziate chu kipakpi ma ma in, doisakna a hun pena ding awm? sepai honte Lalpa chun a ti ahi.

KISIMNA LEKHABU 32:23

Himaleh, zia gual ah chu la bawl lo uh leh, Lalpa chung ah thil bawl khial hi’n lau; tichun, la gitlonau chun hun hawldok ngei ngei ding ahi ti he tau in.

NASEPTE 10:35

namtin lak ah ama lau ah, dik tak ah a na sêm taphot chu a dawi hi ti ka hechian tai.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

ROMTE 14:18

Kuale zia gual ah Khrista nasêm ah pangte chu Pathian pom tâk a hiu in, mihing pâkchâk le a law sek ui.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

ROMTE 6:12

Ziaziakchun, la taksa nopnau thu a umna dingin, la taksau thithei ah chun gitlona’n vaihawm ta ki’hen.

ROMTE 6:16

Kua kiang ah le a thu mang ding ah a suak ah la lut ua leh, thina khop ah gitlona suak a hem, dikna lam ah thu matna suak a hem, a thu la mat pen uh suak chu la hiu ti la hepuau em?

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

1 TIMOTHI 5:4

Meithâi pakhat chun chate a hem, tute a hem a nei chun, ama Insung ah sakhaw lam ah a mawpuakna zil masa hen la, a nu leh pate chung ah phatna thuk hen; zia chu Pathian mit mu ah kipak um ahi ngal a.

HEBRAITE 11:4

Ginna’n Abel in Kaina sâng ah kithoina phazaw Pathian kiang in a lân a. Pathian in a thilpiak a pom ziakin, a thilbawl ziak chun midik ah pom a hi; thi ta maleh, a ginna ziakin thu a gen zing nalai hi.

JAKOB 1:15

Zia nopna chun no a hun pâi in, gitlona a hing sek a; gitlona chu a hung pitin phat leh, thina a tun sek hi.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.