THILSIAM THU 4:4 - PATHIAN LEKHABU THIANGTHO (BSI)

⁴ Chuleh, Abel inle a belamte lak ah piang masa pen a sa lak ah a phatna pen pen te chu a hun lân a. Lalpa chu Abel leh a thillat ah chun a kipâk a;

THILSIAM THU 4:4 ပူးပေါင်းရင်းမြစ်များ

THILSIAM THU 15:17

Nisa a hung tum ah, khuale a thim phat chun, meihâlna bêl pakhat meikhu ah dim leh, meisel kuang tak chu sa kisât phelte kikâl ah chun a chia theng ta mai in.

THILSIAM THU 4:3

Hun hung chia jel in, Kaina chun Lalpa kiang ah lat dingin a lou ah thâiga piangte chu a hun chawi a.

1 LENGTE 18:24

Ziaphat chuleh, nang un la pathian uh ko unla, ke’nle Lalpa min chu ko ing ka; meikuang ah hun dawnhu pathian zaw chu Pathian tak chu hiding ahi,” a tia. Mipite zosia chun, “La gen dik hi!” ti’n a dawnhu tau a.

1 LENGTE 18:38

Ziaphatchun, Lalpa meikuang a hung ketha, hâlmang thillat, thing, suangte leh leivui natiang in a hun kâng tum ah; kuak sung ah tui nasan chule a kâng nâm tai.

1 KHANGTHU 21:26

David in Lalpa â dingin mâichâm pakhat a siam ah, zia tak ah chun hâlmang thillat leh kichamna thillatte chu lân in, Lalpa a ko ah, ama’nle mâichâm chungah hâlmang thillat chu van ah kipat meikuang in a hun dawnhu tai.

2 KHANGTHU 7:1

Solomon a pauchap zaw phatin van ah kipat in mei a hung ketha suk ah, halmang thillat tawh kithoinate chu a hun kâng tum tai; tichun, Lalpa lopina chun tempul a hun lua dim tai.

SAM 20:3

La thillat zosia hezing hen la, la hâlmang thillat chu doisak tak in pom piak ta hen. (Selah)

PAWTDAWNA THU 13:12

Sulhong masa pen pente chu Lalpa â dingin la koichuam diu ahi. La ganhon lak ah a chal suak masa pen taphot chu Lalpa â ding ah la koichuam diu ahi.

THUPILTE 3:9

La go thil neite leh la ga masa zosia’n Lalpa chawihoi in;

THUGENTU 4:4

Sepgimna leh thiamnêl tak ah nasep thilbawl zosia hile, midangte îtsikna ziak bep ahi ti ka mu tai. Zia hile bangmalo mai mai leh lunggimna mai mai ahi.

THIAMPUTE LEKHABU 9:24

Lalpa ma ah kipat in meikuang a hung pawtdok ah, mâichâm chung ah hâlmang thillat leh sathaute chu a hun kângtum ta’n; zia chu mipi zosia’n a mu un a kiko ua, a mai ua leisi’n, a khupbok khep khup ziang tau hi.

KISIMNA LEKHABU 16:15

A chung un Mosi a lungna ma ma ta’n, Lalpa kiang in, “A thillat uh bang ma pom piak kin. A sabiltung uh khat chale ka lâkpiak kha pua’n, a lak ua mi pakhatle ka gentheisak kha diak puai,” a tia.

KISIMNA LEKHABU 16:35

Chun, Lalpa ah kipat meikuang a hung pawt ah; zia chun gimtui lân ah um mi za ni leh sawmngate chule a hun kâng tum tai.

KISIMNA LEKHABU 18:12

Sathau lak ah a phapen leh, uain lak leh changbuang lak ah a phapen chiat leh, Lalpa kiang ah piak ding ah doichuam kila khawm zosia chu, nang uh ka hun piak la hiu.

KISIMNA LEKHABU 18:17

Ahi’n la, bawngno a hem, belamno a hem leh kêlno a hem lak ah a suak masa pen chiat chu la tat lo ding uh ahi; ziate hi a thiangtho bîkte chu a hiu ah, a thisan uh mâichâm ah la tât ah, a thau uh le Lalpa kiang ah gimtui thillat a hitheina dingin mei ah la hâltum ding uh ahi;

HEBRAITE 11:4

Ginna’n Abel in Kaina sâng ah kithoina phazaw Pathian kiang in a lân a. Pathian in a thilpiak a pom ziakin, a thilbawl ziak chun midik ah pom a hi; thi ta maleh, a ginna ziakin thu a gen zing nalai hi.

HEBRAITE 9:22

Dan dungzui in bangkim hi thisan ah sukthian thei ahi’n, thisan pawt lo in ngaidamna a um puai.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

VAIHAWMTE 6:21

Ziaphatchun, Lalpa vansawlchâk chun a khut ah a choi lai tiangkhut mong ah chun, sa tawh thawipanglo vaithumte chu a vak khoi ah; chuleh, suangpi kipat mei a hung kuangdok ah, sa tawh thawipanglo vaithumte chu a hun kângtum ta’n; chuleh, vansawlchâk chu a mit mu ah kipat in a mang tai.

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.