THILSIAM THU 39:3 - PATHIAN LEKHABU THIANGTHO (BSI)

³ Lalpa chu a kiang in a um zing ah; a thil hi taphot ah a lawtinsak hi ti a pu chunle a he tai.

THILSIAM THU 39:3 ပူးပေါင်းရင်းမြစ်များ

THILSIAM THU 21:20

Pathian in naupang chu a umpi ah, a hung khang lian ta’n; tichun, gamthip ah chun a chêng ah, thal kap thiam tak a hung hi tai.

THILSIAM THU 21:22

Zia lai ah chun, Abimelekh tawh a sepai hotu Phikol chun Abraham kiang in, “La thilbawl tapo ah Pathian in a hun umpi ah;

THILSIAM THU 21:23

tu’hin, zia tak ah hin Pathian min in kei tawh, ka suante tawh, amau suan sawn sawn tiang ah le zuau lo ah, ka hun hepi tâk gual ah khan, kei tawh la umna gam hi hepi thuk dingin ka kiang in thu tiam in,” ti’n a vachial tau a.

THILSIAM THU 26:24

Zia jan ah chun Lalpa a kiang in a hung kilâk ah, “Kei, la pa Abraham Pathian chu ka hi: Lau kin, la kiang in ka um zing hi, hun maljawl ing ka tin, ka suak Abraham ziakin la suante chu hi’pung ding ka hi,” a ti’n.

THILSIAM THU 26:28

Amau chun, “Lalpa la kiang in a um hi ti kichian tak in ka muu ah; ziaziakchun, nang tawh kei uh kikâl ah thuthung siam ah, kitiamna bawl leu hin ti ah hung ka hiu;

THILSIAM THU 30:27

Laban chun a kiang in, “Lei hepi thei ahi chun um nalai ta’n la; Lalpa’n nangma ziak ah hin maljawlna ei piak ahi ti ka hechian hi;

THILSIAM THU 30:30

Kei hung ma’ khan tawmcha la nei ah, tu’hin vang tam tak a pha tau hi; ka kiheina lam taphot ah Lalpa’n a hun maljawl la hi hilam. Ahi’nla, bangtik leh keima Insung chan ding ka sêmdok ta diam?” a tia.

THILSIAM THU 39:2

Lalpa chu Joseph kiang in a um zing ah; ama chu mi lawting tak a hung hi’n: chun a pu Aigupta mi In ah chun a um tai.

THILSIAM THU 39:21

Himaleh, Lalpa chu Joseph kiang in a um pek ah, a chung in a ngilnei ah; suangkul vêngpa hepina a donsak hi.

THILSIAM THU 39:23

Lalpa chu Joseph kiang in a um ah, a thil hi’ tapo chu Lalpa’n a lawtinsak ziakin, suangkul vêngpa chun a khut ah thil um tapo chu a en se se ta puai.

2 LENGTE 18:7

Tichun, ama chu Lalpa‘n a umpi ah, a kiheina lam lam ah chun a lamjang pekah; Assuria lengpa chung ah hung kiphin in, a na a hun sêm nuam ta puai.

1 KHANGTHU 22:13

Israelte â ding ah, Mosi kiang ah Lalpa thuguat leh dan leh mual a la piakte zosia phatakcha la vop chun, hung hampha ding la hi. Hat tak leh hangsan tak in um in. Lau kin la, lungthuai diak kin.

1 KHANGTHU 9:20

Malai ah chun Eleazar chapa Phinehas chu a lak ua hotu lianpen in a la pang ah; Lalpa‘n a la kithuapi a;

2 KHANGTHU 1:1

David chapa Solomon chun a lenggam a sukdet ma ma phatin, Lalpa a Pathian in a umpi zing ah, nasa tak in a sulian tai.

2 KHANGTHU 26:5

Pathian lau ding dan a la hil ah pang Zekhariah dam sungsia chu Pathian lam a hawl zing ah; tichun, Lalpa a hawl sungsia chu, Pathian in vangphatna a pia tai.

NEHEMIAH 2:20

Tichun, amau chu zia gual hin ka dawnhu a: “Van Pathian in ei lawtinsak ding ahiziak in, kei haw a suakte hin zia In hi sa pan ding ka hiu; nanghaw’n vang zia Jerusalem khua hin chanvo hileh, thuneina hileh khutnung bangma la nei puau hi,” ti in.

SAM 1:3

Amau chu tui luang zing kiang ah thing kiphu, a hun si’n ah ga sek, a dua vuai ngailo gual chu a hiu hi. A thilbawl tapo un a lamzang pek ui.

ZEKARIAH 8:23

Sepai honte Lalpa chun zia gual hin a gen hi: Ziaphat chuleh, chitin leh pautin ah kipat pawsal sawmkhat jel in Judah mi pakhat a puanchual ah man in, “Hun zui ing kau, Pathian in a hun umpi hi ti ka he ngal un hun ti ta’n au,” ti hi.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

1 KORINTH 16:2

Hapta ni masa pen ah chun mitin in la law dawu vâl zosia koidok in, khol unla, ka hung phat leh dawl khawm ngailo dingin.

DAN LEKHABU 2:7

La thil bawlnau taphot in Lalpa‘n mal a hun jawl ma ma ah; zia gamthip lian tak la hawthen danteu le a he sik sek hi. Zia kum sawmli sung ving veng hi Lalpa la Pathian un a hun umpi zing ah, bangma tâksap le la nei puau,” ti in.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.

1 SAMUEL 18:14

Lalpa‘n a umpi ziakin David chu a kiheina lam taphot in a lawting pek a.

1 SAMUEL 18:28

Himaleh, David chu Lalpa‘n a umpi hi ti leh a chanu Mikhal in a ngai hi ti a het ziakin,

1 SAMUEL 3:19

Samuel a hung khanlet dungzui in Lalpa‘n a umpi zing ah, a thugen mal khat ziang le a thawn in a umsak puai.