THILSIAM THU 39:1 - PATHIAN LEKHABU THIANGTHO (BSI)

¹ Ziaphatchun, Joseph chu Aigupta gam in a pui tau ah; Pharaoh nuai ah mivêng pawl lakah hotu, Aigupta mi Potiphar chun zia tak ah hun pui suk Ishmaelte khut ah kipat chun a la chaw ta’n.

THILSIAM THU 39:1 ပူးပေါင်းရင်းမြစ်များ

THILSIAM THU 37:25

Chun, an ne dingin a kichu khawm tau ah; chuleh, a vak khawdat ua leh Ishmael khualzinte, a sangawngsau hon uh tawh Gilead gam ah kipat gimtui leh thingnâi damdawi tawh murra pua’n, Aigupta gam ah chia suk dingte a vak mu tau a.

THILSIAM THU 37:28

Chuleh, Midian sumdawng mite chun a hun phâk phat un, Joseph khûksung ah um chu a suapite chun a kaidok ua, Ishmaelte kiang ah chun dangka shekel sawmni in a zuakdok tau a. Joseph chu Aigupta gam lam in a pui tung tau hi.

THILSIAM THU 37:36

Zia hun sung ah chun, Midiante’n Joseph chu Aigupta gam ah Pharaoh nuai ah mivêng haw lawi lak ah hotu pakhat, Potiphar kiang in a zuak tau hi.

THILSIAM THU 40:3

Suangkul vêng hotu pawl In ah, Joseph umna mun ah khan a hun khum tai.

THILSIAM THU 45:4

Joseph ma ma chun a suapite kiang in, “Lungsiat tak in ei hun nai tiam un,” a ti’n. A vanai tau a. Ama chun, “La suapiu Joseph, Aigupta gam ah lei zok mang uh kha ka hi.

SAM 105:17

a ma lam un mi pakhat, Joseph chu suak ah zok mang dingin a la sawl a.

NASEPTE 7:9

I pu leh pateu chun Joseph kha a îtsik ziak un, ama chu Aigupta gam in a la zuak mang tau a; himaleh, ama chu Pathian in a umpi zing a,