THILSIAM THU 38:9 - PATHIAN LEKHABU THIANGTHO (BSI)

⁹ Himaleh, Onan chun a chisuan ding chu ama â hilo ding ahi ti a het ziakin, a u ji chu a luppi phat si’n leh a u â ding ah chi a suan piak lona dingin a chi chu leitual in a luan thâk sak sek a.

THILSIAM THU 38:9 ပူးပေါင်းရင်းမြစ်များ

THILSIAM THU 38:10

A thil hi’dan chu Lalpa mit mu ah huat um tak ahiziak in, ama chule a that tai.

JOB LEKHABU 5:2

Mingol chu a lungkhamna’n thi khawlaw in, mimawl chu itsikna’n a that sek ngâl a.

THUPILTE 27:4

Lungnatna chu a huaisia’n, siatchang le a so in; himaleh, kua a hem mitthipna thuak zo ding?

DAN LEKHABU 25:5

Unau pawsal In khat ah chêng khawm uh hen la, a lak ua khat chapa bei in thi taleh, a thipa ji chun amau In sung mi hilo, mi chuam dang a va kichenpi lo ding ahi. A pawsal suapi dang khat in a kichenpi ah, a pawsal suapipa mawpuak chu a bawl ding ahi;

DAN LEKHABU 25:6

chuleh, Israelte lak ah a min a manlona dingin, a cha nei masak pen pen uh chun, a suapipa thi ta min chu a law ding ahi.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

JAKOB 3:14

Ahi’n, la lungthim ua thangsiatna leh nangmau bep kikhualna la nei ua leh, kiletsak in thutak chu zuau chansak kiu in.

JAKOB 3:16

Thangsiatna leh eima makhua bep khualna ah chun buaina leh thilhikhelna chitin a um sek ngal a.

JAKOB 4:5

Ahiloleh, “Pathian in eima ah a koi Thagau chu thangsia hial in a dawi ahi,” ti Pathian Lekha thu’n a gen hi bangmalo ah a gen ah la tiu em?

RUTH 1:11

Ahi’n, Naomi in, “Ka chanute, kile’kit mai un, bang dingin em lei zui ding uh? La pawsal ding uh ka sûl ah hin chapa vop nalai dingin lei gingcha nalai ua a hem?

RUTH 4:10

Zia lo ah chunle, mithi chu a min mang lo ah, a golua ding siam piak ding leh, mithi chu a unaute lak leh a umna mun kul kot bul ah a min a manlo’na ding in, zia Mahlon ji meithâi, Moab numei Ruth hile ka ji dingin ka chaw tai, ti tu’ni hin a hiatpite ngen la hitau hi,” a ti tai.