THILSIAM THU 37:5 - PATHIAN LEKHABU THIANGTHO (BSI)

⁵ Khat vei chu, Joseph in mang a hun nei ah, a u te kiang ah a gen phat in, amau chun a muda zaw diak tau a.

THILSIAM THU 37:5 ပူးပေါင်းရင်းမြစ်များ

THILSIAM THU 28:12

Mang a hun nei ah: Lei leh van kikâl ah hin leilawn a hung kidaw ah; chuleh, zia chun Pathian vansawlchâkte a suk a to in a lawn ui.

JOHAN 17:14

Keima’n la thu a kiang un ka pia ta’n, keima khawvel ah mi ka hi’lo gual ma’n, amau hawle khawvel ah mi a hi’lo ziak un, khawvel in amau chu a haw tai.

JOEL 2:28

Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.

DANIAL 4:5

Ei sudîpchâk ma ma mang khat ka nei in; ka lupna chung ah ka ngaituanate leh, ka luchang in kilâkna a mute chun ei sulau ma ma tai.

THILSIAM THU 42:9

Joseph in amau chungchâng thu, a mang lam ah a la mute zosia kha a hedok veng veng ziang hi. A kiang un, “Entha mite la hiu, ka gam uh a jawnkhal dan he nuam ah hung la hiu,” a la ti’n.

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.

KISIMNA LEKHABU 12:6

A kiang un, “Ka thu hi ngai un: La lak ua jawlneite a um lai un, kei Lalpa hi a kiang un kilâkna’n ka vakilâk in; manglam in a kiang un thu ka gen sek a.

THILSIAM THU 37:4

Chun, a pau chun ama chu a ute zosia sâng in a hepi zawi ti a u te’n a he tau ah; ama chu a muda ma ma ziang tau ah: pau pha’nle a ho nuam ta puau hi.

1 LENGTE 3:5

Gibeon mun ah chun, Solomon kiang in jan ah a mang in Lalpa a hung kilâk ah; Pathian in a kiang in, “Bang a hem ka hun piak ding, don in,” a tia.

DANIAL 2:1

Nebukadnezar lal kum ni’na chun, Nebukadnezar in mang a nei ah, a lungkham ziakin a ipmu thei ta pua’n.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

THILSIAM THU 49:23

Thal kâpte chun a hi’genthei un; a kâp un, a naw chimit un;

THILSIAM THU 41:1

Kum ni veng veng nung in, Pharaoh chun a mang lam in, Nail luipi gei ah hin a la ding a.

THILSIAM THU 40:5

Suangkul ah um Aigupta leng uain pepa tawh vaithum siampa chun, a paniu in jan khat thu’n umzia nei tak mang a hun nei gêl tau a.

THILSIAM THU 37:8

Chun, a u te chun a kiang in, “Nang cha hin maw ka chung ua vai la hawm ding? Nang tawhbang cha hin maw ka chung ua thu la nei ding?” a tiu a.

THILSIAM THU 31:10

Chuleh, gante chu a huam kipat lai ua chun ka mang in ka vak dakdaw leh; a chal, gancha bawte zosia chu a jem tante, a jem pawlte leh a jem kâi zeng zungte ngen a hiu a.

THILSIAM THU 31:11

Chun, ka mang ah chun Pathian vansawlchâk in, “Jakob,” ei hun ti’n. Ke’n le, “Zia hin ka um hi,” ka ti’n.

THILSIAM THU 37:6

Ama chun a kiang un, “Lungsiat tak in ka mang thu hi ngai tiam un:

THILSIAM THU 20:3

Himaleh, Abimelekh kiang in a mang lam in Pathian a hung kilâk ah, a kiang in, “Ngaitia, la numei pui ziak ah hin thi ding la hi tai; ama chu mi ji ahi ta’ngal ah,” a tia.