THILSIAM THU 32:9 - PATHIAN LEKHABU THIANGTHO (BSI)

⁹ Jakob chun, “Aw Pathian, ka pu Abraham Pathian, ka pa Isak Pathian, Aw Lalpa, ‘La gam, la chipite kiang ah chia kit ta’n, pha tak in hun bawl na’ng ka ei tipa;

THILSIAM THU 32:9 ပူးပေါင်းရင်းမြစ်များ

THILSIAM THU 17:7

Kei leh nang leh la suante suan sawn sawnte tiang inle ka thuthung, nang â ding leh la nung ah la suante â dingin a Pathian uh hiding in kumkhua thuthung dingin hi’det ding ka hi.

THILSIAM THU 28:13

Chuleh, a kiang in Lalpa a hung ding ah: “Kei hi Lalpa, la pu Abraham Pathian, Isak Pathian chu ka hi: la lupna lei kha nangma leh la suante kiang in hun pia’ng ka;

THILSIAM THU 28:15

La kiang ah um zing ing ka tin, la chiana tapo ah hun vêng zing ing ka tin, la kiang ah ka thugen hi ka bawl masang sia hun nusia lo ding ka hi,” a ti’n.

THILSIAM THU 31:13

Keima hi suangphu ah, sathau la nu’na, ka kiang ah thu la tiamna mun, zia Bethel Pathian kha ka hi. Tu’hin, kipan inla, zia gam ah kipat hin pawtdok inla, la pianna gam ah chia kit ta’n,” ei ti hen, a ti ta’n.

THILSIAM THU 31:29

Hun bawlsia thei ka hi’n; himaleh, la pa Pathian chun tu’jan ah khan, ‘Jakob kiang in a sia hi’n a pha hileh bangma gen lo ding in chingthei in,’ ti’n ei hil a.

THILSIAM THU 31:3

Chun, Lalpa’n Jakob kiang in, “La suante gam, la chipite kiang lam in chia kit ta’n, la kiang ah um zing ding ka hi,” a ti’n.

THILSIAM THU 31:42

Ka pa Pathian, Abraham Pathian, Isak in a Lau-pa chu ka kiang ah umlo hivang leh, tu’hin le ngawnchang ah ei chiasak ngei ngei ding la hi hilam. Pathian in ka genthei dan leh ka sepgim dan a mu’n, zia jan ah chun a hun vau ahi chulam!” ti’n a dawnhu a.

THILSIAM THU 31:53

Abraham Pathian, Nahor Pathian leh a pau Pathian chun I kikâl in vaihawm ta hen,” a ti kit a. Jakob inle a pa Isak in a Lau-pa min chu sâl in a kitiam tai.

THILSIAM THU 32:8

“Esau in hon khat a tha leh le a hon dang suakcha thei dingin,” a ti’n.

THILSIAM THU 49:25

la pa Pathian in nangma hun panpi hen la, El Shaddai in hun maljawl hen la, chung lam van maljawlnate, nuai lam thûk tak ah maljawlnate, nawitui leh sûl lam ah maljawlnate’n, nangma hun maljawl dingpa ngei suk-hat in um ta’n.

2 KHANGTHU 20:12

Aw, ka Pathian uh, amau chung ah hin vai hun hawm lo ding la hem? Ei hung do mipi tam tak haw hi ka dozaw theina ding un hatna bangma ka nei puau hi. Bang pen bawl ding a hem ti le ka hepuau in, nang bep ka hun etthâk mai uh la hi tai,” ti’n a pauchap a.

2 KHANGTHU 20:6

zia gual hin a hun genah: “Aw Lalpa, ka pu leh pateu Pathian, van ah Pathian hilo la hem? Khawvel ah nam tinte lenggam zosia chung ah vaihawm hilo la hem? Nangma khut ah thilhitheina leh hatna zo ding kuama a um puau hi.

2 KHANGTHU 32:20

Ziaphatchun, Lengpa Hezekiah tawh Amoz chapa Isai chu zia thu ziak chun pauchap in, van Pathian a ko tau a.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

PAWTDAWNA THU 3:6

Ama chun a gen zom pek ah, “Keima hi la pa Abraham Pathian, Isak Pathian leh Jakob Pathian chu ka hi,” a tia. Mosi’n Pathian a et ngam lo ziakin a mai chu a sêl tai.

JEREMIAH 32:16

Neriah chapa Barukh kiang ah kichawkna lekha chu ka piak zaw phatin, zia gual hin Lalpa kiang in ka pauchap a:

1 SAMUEL 30:6

Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.