THILSIAM THU 3:6 - PATHIAN LEKHABU THIANGTHO (BSI)

⁶ Tichun, numei chun thingga chu a mu phât in nêk ding ah kilawm leh mit hîp ma ma ahi ti leh, mi hi’pil thei ding ah thingga etlâ um tak ahi ti a het in a ga chu a lo ah, a ne ta’n; a umpi a pawsal chule a pia’n, ama’nle a ne tai.

THILSIAM THU 3:6 ပူးပေါင်းရင်းမြစ်များ

THILSIAM THU 3:12

Pawsal chun, “Ka umpi ding ah lei piak numei khan thingga chu ei pia’n, ka la nêk mai ahi,” a ti’n.

THILSIAM THU 3:17

Chuleh, Adam kiang in: “La ji thu la nung ah, thing pakhat, a ga la nêk lo ding ti ah thu ka piak, la nêk ziakin, leisiat hi nangma ziakin, hânsialaw in a um tai; la dam sung sia gim tak ah sêm in, a ga ne ta’n la tin;

THILSIAM THU 39:7

Zia nung sawt lo ah chun, a pu ji chun Joseph a hun dawicha ta’n: “Ei luppi in,” ti’n a jawl ta’n.

THILSIAM THU 6:2

pathian chapate chun mihing chanute chu mêlpha a sa ma mau ah; tichun, a dawi taphot uh chu a kichenpi ziang tau a.

2 SAMUEL 11:2

Sunnung lam vaigei deu ah chun David chu a jalkhun ah kipat hung thodok in, leng In chung ah a vâk vêl vêl leh numei pakhat kisil lai a gâl mu ah; zia nu chu mi mêlpha tak ahi.

1 LENGTE 13:19

Ziaphatchun, Pathian mi chun ama chu a le’zui kit tai. A In ah chun an ne’n, tui a dawn tai.

JOB LEKHABU 31:1

Ka mitte tawh thuthung ka siam un; bangti’n em nungak ka et thei ding?

EZEKIEL 24:16

Mihing, phutlo in la mu nop pen te chu lamang ding ka hi; himaleh, kap pua’n la tin, sûn diak lo in, la mitthi le pawt pua’n a.

EZEKIEL 24:21

Israel Inkuante kiang ah, Lalpa Pathian in zia gual hin a gen hi: La kisuanpi, la mu nop pen leh la lunggil ah la ngainat pen, ka mun thiangtho chu subuak ding ka hi; chuleh, la chanu chapa la nutsiate chu chemjam in thi’n au.

EZEKIEL 24:25

Mihing, nang vang chu a kulpiteu, a kipaknau leh a lopinau, a mit uh limna pen leh a lungthim ua a ngainat pen uh leh, a chanu chapateu tawh ka lâkpiak ni phat leh,

HOSEA 6:7

Himaleh, Adam ah chun thuthung a la bawtsia tau a; zia chun ginum lo tak in ka chung in a bawl tau hi.

MATTHAI 5:28

Kei vang in, kuale numei tatsiatpi ding et ah en tapo chun, a lungthim in a ângkawm zo ahi tai ti ka hil la hiu.

1 TIMOTHI 2:14

chuleh, Adam chu theppûk in a um pua’n, numei vang chu theppûk in a um ah, botsia a hung hi tai.

JOSHUA 7:21

Gâllâk thil ah Shinar puan hoi tak leh, dangka shekel za ni leh sana tum shekel sawmnga ah gik ka mu phât in, ka en lâ ta lua’, ka la lâk mai ahi. A leng in ka puanbûk sung ah, lei nuai ah ka sêlgu’n, dangka chu a nuainung pen ah ka koi ahi,” a tia.

1 JOHAN 2:16

Khawvel ah thil um zosia, taksa nopnate, mit ah mu nopnate leh hausakna ki-uanpinate hi Pa ah kipat a hipua’n, khawvel ah kipat ahi zaw ngal a.

VAIHAWMTE 14:17

Chun, a ji chu luaithe’nau tawp chan ni sagi sung a kiang in a kap ta’n; a phin nasat bêk ziakin, ni sagi a tin ni chun a ji a hil tai. Ziaphatchun, a ji chun hetmaw hilchetna chu a chipite kiang in a a hil tai.