THILSIAM THU 26:5 - PATHIAN LEKHABU THIANGTHO (BSI)

⁵ Abraham chun ka thu a awi ah, ka thuhilte, ka thupiakte, ka thuguatte leh ka dante tiang in a zop ziak ah khan,” a tia.

THILSIAM THU 26:5 ပူးပေါင်းရင်းမြစ်များ

THILSIAM THU 12:4

Chutichun, Abram chu Lalpa’n a hil gual ah chun a chia ta’n, Lot inle a zui ah. Abram chu Haran khua kipat a pawt daw lai ah chun kum sawmsagi leh nga mi ahi tai.

THILSIAM THU 17:23

Tichun, Abraham in a chapa Ishmael tawh, a In ah piang zosia tawh, dangka sum ah a chawk zosiate, Abraham Inkuante lak ah pawsal taphot chu a pui ah, Pathian in a kiang ah thu a piak gual in, zia ni ma ma chun a zek uh a tan piak sik sek tai.

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

THILSIAM THU 22:16

“Zia thil hi la hi tâk ziak leh, la chapa neisunle itcha lo ah lei piak tâk ziakin, keima ka kitiam hi, Lalpa’n a ti’n:

THILSIAM THU 22:18

Ka thu la zop ziak ah hin la suante ah kipat in khawvel chitin maljawlna piak hi’n au,” a ti’n.

THILSIAM THU 26:6

Tichun, Isak in Gerar khua chun um mun a khual den tai;

MATTHAI 5:19

Ziaziakchun, kua’nle, dan thupiakte lak ah a neu pen hi botsia hen la, zia gual ma chun midang le bawsiatsak ding ah a hil chun, ama chu van-gam ah chun mi neu pen ti’n au. Zia gual ma chun, kuale dan thupiak jawm ah, midang le jawm ding ah hil chu, van-gam ah chun mi lian ti’n au.

MATTHAI 7:24

Kuale zia ka thugen hi he ah mang tapo chu, mipil suangpi chung ah Insapa gual chu hi’n a.

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

HEBRAITE 11:8

Ginna’n Abraham in a lua ding gam chu zuan dingin thu a awi ah; a zotna ding lam he masa lo in a kipandok ta’n.

JAKOB 2:21

I suantu bul uh, Abraham in a chapa Isak mâichâm ah a lat lai khan, a thil hi ziak ah thiamchang hilo a hem?