THILSIAM THU 2:9 - PATHIAN LEKHABU THIANGTHO (BSI)

⁹ Chun, lei ah kipat in Lalpa Pathian in thing mit hîp tak tak leh nek thei chitin a kesak in; hinna thingle huan lailung tak ah chun a kesak ah; a sia leh a pha hetna thingle zia tak ah chun a kesak hi.

THILSIAM THU 2:9 ပူးပေါင်းရင်းမြစ်များ

THILSIAM THU 2:17

Ahi’n la, a sia leh a pha hetna thingga pen hi la nêk ding ahi puai; la nek ni’ ni’n, thi ding la hi,” ti’n thu a pia.

THILSIAM THU 3:22

Ziaphatchun, Lalpa Pathian in, “Ngai un, mihingte chu eimau lak ah pakhat tawhbang in, a sia leh a pha hekhen thei a hung hi tau ah; tu’hin, hinna thinggate chu a khut ua kilaw ah ne’n, kumkhua’n hing zing kha’n au,” a ti’n.

THILSIAM THU 3:24

Mihing chu a nawdok ta’n; hinnathing lampi veng bit dingin Eden huan ah sualam pang ah vansawlchâk Cherubte leh mei chemjam phe zot zot te leh kipei te chu a koi tai.

THILSIAM THU 3:3

Huan lai tak ah thingga pen hivang Pathian in la nêk ding uh ahi pua’n, khoile la khoi khâk lo ding uh ahi, achutiloleh, thi mai ding la hiu, ei ti ahi,” ti’n a dawnhu a.

THILSIAM THU 3:5

la nêk uh leh la mit uh hung vâk intin, Pathian gual in a sia leh pha he’ la hung um ding uh chu Pathian in a he ahi,” ti’n a dawnhu a.

THUPILTE 11:30

Midik ga chu hinna thing ahi’n; thagum sua chîngte chun hinna a lamang sek ui.

THUPILTE 3:18

A tu’kha tapote â dingin hinna thing ahi’n; a tudet zingte â dingin limna ahi.

ISAI 44:25

milepchiate subuaitu, âisân thiamte hi’ngol ah, mipilte bangmalo suaksak ah, a hetnau hi’ngolpa chu ka hi’n;

ISAI 47:10

La nunsiatna chun bit la kisa’n, “Kuama’n ei mu puai,” la ti hen. La pilna leh la hetna’n a hun pui chavai zo ta’n; tichun, la lungthim in, “Keima sâng ah lianzaw kuama dang a um puai,” la ti hen.

EZEKIEL 31:16

Mithi khua zuan dingte tawh, Sheol ah ka se’lut ding te pûk git chun namtin ka kithinsak in; Eden huan ah thing zosia, Lebanon tâng ah thing pha pen leh tui in pha tak ah a vâkte zosia le, nuaimi gam in a kithamuan tua tau hi.

EZEKIEL 31:18

Eden huan ah thing um zosia lak in, lopina leh letna’ nang tawh te’thei ding a um em? Tu’hin, Eden huan ah thingte tawh nuaimi gam ah pui suk hi’n la tiu in; chemjam ah kithatte lak ah chun, zektanlote lak in lum ta’n la. Zia hi Pharaoh leh a lawite chu a hiu, Lalpa Pathian in a ti ahi, ti’n a gen tai.

EZEKIEL 47:12

A lui pang tuak ah chun, nêk thei thing chitin um in a. A tui chu mun thiangtho ah hung luangdok ahiziak in, thingduate chu vuai ngai pua’n tin, a ga le hût ngai pua’n a; thasin in ga thak suang zing zaw’n au; chuleh, zia thing gate chu nêk ding leh a duate chu sukdamna ding hita’n a,” a ti tai.

JOHAN 6:48

Keima hinna vaithum chu ka hi.

1 KORINTH 8:1

Tu’hin, milim hona thillat khoi thu ah chun: “Hetna I nei chiat ui,” ti I hiau hi. Hetna’n mi a uansak sek a; himaleh, hepina’n mi a tung ding zaw sek hi.

DAN LEKHABU 6:25

Ama thu ei piak gual ah, Lalpa Pathian ma ah ei thupiak zosia gunchu tak ah I zop uh chun, ei uh chu a dik hiding I hiu,” ti’n a hil tai.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.

THUPUAN 22:2

Khawpi khawlai vêl leh zia luigâl langtua gêl ah chun, hinna thing a kiphu ah, ga chi sawm leh ni in tha si’n in a ga ah; a duate chu nam tinte damna ding ahi.