THILSIAM THU 2:8 - PATHIAN LEKHABU THIANGTHO (BSI)

⁸ Lalpa Pathian in sualam ah Eden Huan a bawl ah, a mihing siam chu zia tak ah chun a umsak ta’n.

THILSIAM THU 2:8 ပူးပေါင်းရင်းမြစ်များ

THILSIAM THU 13:10

Lot chu Zoar khua lam nga’n a dakdok ah, Jordan phâijawl zosia Lalpa huan gual, Aigupta gam gual ah pha, mun tin ah tui kiningting ma ma ahi ti a hia’n; Lalpa’n Sodom leh Gomorrah khuate a sukmangthai ma kha ahi ngal a.

THILSIAM THU 3:23

Ziaziakchun, Lalpa Pathian in ama a lakdawna lei ma ma chu let dingin, Eden huan ah kipat in a sawldok tai.

THILSIAM THU 3:24

Mihing chu a nawdok ta’n; hinnathing lampi veng bit dingin Eden huan ah sualam pang ah vansawlchâk Cherubte leh mei chemjam phe zot zot te leh kipei te chu a koi tai.

THILSIAM THU 4:16

Tichun, Kaina chu Lalpa kiang ah kipat in a pawtdok ah, Eden huan sualam ah Nod gam ah chun a va chêng tai.

2 LENGTE 19:12

Ka pu leh pate’n a suksiatsau namte, Gozante, Harante, Rezephte, Telesar ah um Eden chate haw khale a hukdok thei pathian a um ua a hem?

ISAI 51:3

Lalpa‘n Zion chu thamuan ding ahi ngâl a; a mun siatna zosia chu thamuan intin, a gamthip chu huan a hem gual in, a gamkeu haw chule Lalpa huan gual in hun siam in a. Kipakna leh limna ama ah um intin, kipak thugenna leh Lasak git het hita’n a.

EZEKIEL 27:23

Haran, Kanneh, Eden leh Sheba ah kivei mite leh Asshur leh Khilmadte chun kiveina’n a hun mang ui.

EZEKIEL 28:13

Pathian huan, Eden ah la um hi; suang mantam chitin: karnelian, topaz leh jaspar, krusolit, beril leh onik, saphir, karbankul leh emeral, zosia hi la kicheina a hiu a; la kicheina zosia chu sana ah kisiam ngen ahi. Nangma kisiam ni khan ziate zosia hi, nang â ding ah siam ahi tau hi.

EZEKIEL 31:16

Mithi khua zuan dingte tawh, Sheol ah ka se’lut ding te pûk git chun namtin ka kithinsak in; Eden huan ah thing zosia, Lebanon tâng ah thing pha pen leh tui in pha tak ah a vâkte zosia le, nuaimi gam in a kithamuan tua tau hi.

EZEKIEL 31:18

Eden huan ah thing um zosia lak in, lopina leh letna’ nang tawh te’thei ding a um em? Tu’hin, Eden huan ah thingte tawh nuaimi gam ah pui suk hi’n la tiu in; chemjam ah kithatte lak ah chun, zektanlote lak in lum ta’n la. Zia hi Pharaoh leh a lawite chu a hiu, Lalpa Pathian in a ti ahi, ti’n a gen tai.

JOEL 2:3

A malam uh mei in a kâng tum pek ah, a nung lam uh meikuang in a kâng hi. A malam ua gam chu Eden huan gual ahi’n, a nunglam uh chu gamthip thawmhau gual ahi. Bangma suakcha pua’n a.