THILSIAM THU 2:3 - PATHIAN LEKHABU THIANGTHO (BSI)

³ Tichun, Pathian in a ni sagi ni chu maljawl in, a chang tai: Pathian in a thilsiam zosia a haisan ni chu a hithiangtho tai.

THILSIAM THU 2:3 ပူးပေါင်းရင်းမြစ်များ

THILSIAM THU 1:31

Chutichun, Pathian in a thilsiam zosia chu a en ah; ngaitia, pha a sa ma ma hi. Nitâk lam a um ah, jingkal lam le a hung um tai; a ni guk ni’ah chun.

THILSIAM THU 2:2

Chuleh, Pathian in a ni sagi ni chun a thilsiam ding zosia a siam zaw tâk ziakin, ni sagi ni chun a thilsiam a haisan tai.

THILSIAM THU 2:4

Lei leh van a siam dan kha zia gual hi ahi: Lalpa Pathian in lei leh van a siam lai ah khan,

NEHEMIAH 9:14

chuleh, la suak Mosi mangcha’n, la sabbath thiangtho hiatsak in, thupiak leh thuguatte le la pia’i; chuleh, ki-etkolna ding dantele la la pia ahi kha.

PAWTDAWNA THU 23:12

Ni guk sung na sêm in la tiu in, a nisagi ni leh la kichawl dam diu ahi; tichun, la bawngchal leh la sabiltung un kicholdamna a muu ah, la In ah piang la suakte leh gam dang mi la lak ua chêngte le a kichawldam theina ding un.

PAWTDAWNA THU 34:21

Ni guk sung na sêm unla, a ni sagi ni chun la kichawl dam diu a hia; bu tu’hun hileh, bu ât hun hileh la kichawl him him ding uh ahi.

THUPILTE 10:22

Lalpa maljawlna chun a hihausa sek in, lungngaina a belap ngai puai.

EZEKIEL 20:12

Zia banah chun, amau hithiangthopa chu keima Lalpa hi ka hi ti a hettheina ding un, keima tawh amau kikâl ah tepte’na dingin, a kiang un ka sabbath nite chu ka pia’i.

THIAMPUTE LEKHABU 23:3

Ni guk sung in la sep ding cheng uh zo thiang unla, a ni sagi ni chu sabbath ni, khawmpi thiangtho chu ahi; zia ni hin na la sep lo ding uh ahi: La chênna zosiau ah, Lalpa â ding ah sabbath ni chu ahi.

MARKA 2:27

Mihing hi sabbath ni â ding ah siam a hipua’n; sabbath ni hi mihing â ding ah siam ahi zawi.

LUKA 23:56

A hung kit ua, gimtui leh sathau haw a ngaituau a; thupiak dan dungzui in sabbath ni chun a chawl tau hi.