Hezekiah chu Lalpa kiang in a pauchap ah, zia gual hin a gen a: “Aw Lalpa, Israel Pathian, cherubte chung ah Lalchutpha chupa, Nangma hi Pathian chu la hia, nang bep chu la hi lei ah lenggam zosia chung ah vaihawmpa chu: Nang in van leh lei hi la siam ahi ngal a.
Huram chun zia gual hinle a gen nalai a: Israelte Lalpa Pathian, lei leh van siampa leh Lengpa David kiang ah chapa pil tak leh hiatthiamna leh chitna leh hetna pia, Lalpa â ding ah Tempul leh ama â ding leng In sak ding pepa chu chawihoi in um hen.
Chun, Ezra in, Nangma bep hi Lalpa chu la hi; nang in van leh a sung ah um zosia leh, lei leh a chung ah um zosia leh, tuisuagiat leh a sung ah um zosia hi la siam ah. A leng un hinna la pia’n, van lam ah um zosia’n le a hun ho ui.
Ni guk sung in Lalpa’n lei leh van, tuisuagiat leh a sung ah um zosia hi a siam zo ah, a ni sagi ni’n a la chawlsan tâk ziakin, Lalpa’n Sabbath ni chu maljawl in, a suthiangtho ta ahi.
Keima leh Israelte kikâl ah kumkhua thuthung tepte’na ahi: Ni guk sung in Lalpa’n lei leh vante a siam zo ah; chuleh, a ni sagi ni chun a chawl nga, a kichawl tâk ziakin,” a tia.
Van ah aksite zosia mangthai ta’n tin, van chule lekhabu zialthaw gual ah zial daw in um ta’n a. Van lam ah thil um zosia chu, grep dua kâu a gui ah kipat a pul ah, theichang ga hût a kung ah a pulthâk gual in, pultha zo ta’n au.
Lalpa Pathian, vante siam ah kaipalpa, lei jak pal ah a sung ah um zosia umsakpa, a chung ah chêng mipi zosia hinna pepa leh, a sung ah chia lumlet zosiate thagau pepa chu:
Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.
Ka khut hin lei kingakna suangphûm chu ka la lem in, ka khut changlam hin vante khi ka la kaimal tai; amau chu ka vak ko si’n leh, ja tak in a hung ding sek ui.
Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.
nisa, thapi leh van lam ah um zosia a thangai un, a thuu zui in, a nau a sep piak un; a dot leh a biakteu ma-âng ah chun thejak in um intiu in, luak khawm kit leh vui hita pua’n au; lei tual ah ki’dak buaksia gual mai in um ta’n au.
Israel chung thu ah Lalpa kamsuak chu: Lalpa, vanthamjawl lian tak phaljakpa leh, leilung kingakna siampa leh mihing sunggil ah thagau siampiakpa ngei chun zia gual hin a gen hi:
Zia thute chu a het phat un, kithu gual tak leh aw ngai tak in, Pathian kiang in, “Thunei pen Lalpa, nang, lei leh van leh tuisuagiat leh a sung ah um zosia siampa,
Himaleh, amau chu Pathian in a kihei mangsan ta’n, van ah thil umte chu be dingin a pedok tai; jawlneite lekhabu’n zia gual hin a la kizik tai: Aw Israel Inkuante haw, gamthip ah kum sawmli sung kha, kei kiang ah gan that leh kithawi la hiu em?
Chuleh, van lam en ah la dakdok ua, Lalpa la Pathian un van nuai nam tin lak ah a hawm gual sa nisa, thapi, aksite leh van ah thil um zosiate chu la mu phât ua leh, Pathian gual ah ho ding ah pui mang in um kiu in.
Eihaw a gingte hi a cholna chun I lut tau a, khawvel siamtil ah kipat a nasepte chu zaw hitamaleh, “Ka cholna chun lut pua’n au, ka lungnatna ka sesap gual ah khan,” a ti tâk gual ma khan.