THILSIAM THU 16:2 - PATHIAN LEKHABU THIANGTHO (BSI)

² chuleh, Sarai in Abram kiang in, “Ngaitia, Lalpa’n cha la ei neisak ta pua’n; ka suaknu hi vapawl mai in, ama ah kipat hin chate ka nei khâk leh,” a ti’n. Abram in Sarai thu chu a mang ta’n.

THILSIAM THU 16:2 ပူးပေါင်းရင်းမြစ်များ

THILSIAM THU 11:30

Tu’hin, Sarai chu a chîng in, cha him him a nei puai.

THILSIAM THU 17:16

Ama chu maljawl ing ka tin, chapa le pia’ng ka tin; ahi, maljawl na’n vuk ing ka tin, ama chu nam chuam chuam suantu’nu hung hi ta’n tin; nam chuam chuam lengte chu ama ah kipat in hung pawt in au,” a tia.

THILSIAM THU 18:10

A lak ua pakhat chun a kiang in, “Kum kit tu’hun hileh hung vetha kit tei ding ka hiu; chuleh, ngai in, la ji Sarah in ziaphat chuleh chapa nei ta’n a,” a ti’n. A nung ah puanbûk kotkhak ah chun Sarah in a thugen chu a la ngai zing a.

THILSIAM THU 19:31

Ahi’n, a upa zaw’nu chun, a naunu kiang in, “I pa hi a têk ta’n, khawvel dan gual ah ei pawl dingin, zia gam ah hin pawsal pakhat chale a um ta pua ngal a.

THILSIAM THU 20:18

Abraham ji Sarah ziak ah chun Abimelekh Inkuante zosia nau neitheina chu Lalpa’n a la khâk bit piak tai.

THILSIAM THU 25:21

A ji chu a chîn ziakin Isak in Lalpa kiang in a don ah: Lalpa’n a dotna a lawtin ta’n; a ji Rebekah chun nau a hun vop tai.

THILSIAM THU 3:12

Pawsal chun, “Ka umpi ding ah lei piak numei khan thingga chu ei pia’n, ka la nêk mai ahi,” a ti’n.

THILSIAM THU 3:17

Chuleh, Adam kiang in: “La ji thu la nung ah, thing pakhat, a ga la nêk lo ding ti ah thu ka piak, la nêk ziakin, leisiat hi nangma ziakin, hânsialaw in a um tai; la dam sung sia gim tak ah sêm in, a ga ne ta’n la tin;

THILSIAM THU 30:22

Pathian in Rakhel chu a hezing ah, a pauchapna chu a ngaitha hen, a sûl le a hon piak tai.

THILSIAM THU 30:6

Rakhel chun, “Pathian in ei ngaitua ah, ka aw a hia’n, chapa ei pia a hita hi,” a ti’n; ziaziakchun, a min dingin Dan a sak tai.

SAM 127:3

Chate hi Lalpa ah kipat I gochan uh a hiu a; gil ah ga kipakman a hiu.

PAWTDAWNA THU 21:4

A pu’n ji a neisak ah, chanu chapa a nei tâk ahi chun, a ji tawh, a chate chu a pu â hi’n tin, ama bep a pawt ding ahi.

RUTH 4:11

Ziaphatchun, kul kot bul ah mipi umte leh upa zosia chun, “Kei uh a hiatpite ka hiu; la Insung ah hung lût numei hi Lalpa‘n Israel nam tung dingte ni, Rakhel leh Leah gual in siam ta hen. Nang inle Ephrath ah hin suan leh pâk nei inla, Beth-lehem ah hin min nei tak in um ta’n;