THILSIAM THU 12:2 - PATHIAN LEKHABU THIANGTHO (BSI)

² Nam lopi tak in hun siam ing ka tin, hun maljawl ing ka tin, la min hi’lian ing ka; tichun, nangma chu maljawlna hi’n la;

THILSIAM THU 12:2 ပူးပေါင်းရင်းမြစ်များ

THILSIAM THU 13:16

La suante chu lei ah leivui jat ah tam in siam ing ka tin; kua’nle lei ah leivui hi a sim zaw thei chun la suante chule simsên hi mai in au.

THILSIAM THU 15:5

Chuleh, In mai lam in a puidok ah, a kiang in, “Van lam khi en inla, aksite khi la sim thei leh sim in. La suante chu zia jat ah tam khin hung pung in au,” a ti’n.

THILSIAM THU 17:20

Ishmael chung thu ding la tidanle ka hun het piak nai: ama chu ka maljawl tai, nam tam tak suansak ing ka tin, nasa tak in hi’pung ing ka tin, ama chunle leng sawm leh pani hing intin, nam lian tak in hun siam ding ka hi.

THILSIAM THU 18:18

Abraham hi chi lian tak leh hat tak hung hi ngei ding ahi ti leh, ama ziak ah khawvel chitin maljawl in hung um ding ahi ti ka mu chian ngal in;

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

THILSIAM THU 19:29

Chun, Pathian in phâicham khawpite a hi’mangthai lai ah khan, Pathian in Abraham chu a hezing in; tichun, Lot chênna khawpite a hi’mangthai lai ah chun Lot chu sukmanthaina lak ah pat in a hukdok tai.

THILSIAM THU 24:1

Tu’hin, Abraham chu a upa ta’n, têk lam a manaw ma ma ziang ta’n; chuleh, Lalpa’n bangkim in Abraham chu vangphatna a pia ta’n.

THILSIAM THU 24:35

Lalpa’n ka pu chu nasa tak in vangphatna a pia hen, mi lopi tak a hung hi tai: Lalpa chun a kiang in belam honte, bawng honte, dangkate, sanate, suak numeite, suak pawsalte, sangawngsaute, sabiltungte le a pia’n.

THILSIAM THU 25:11

Abraham thi’nung in a chapa Isak chu Pathian in vangphatna a pia’n. Chuleh, Isak chu Beer-lahai-roi khua chun a chêngden tai.

THILSIAM THU 26:3

Zia gam ah hin um tadi inla, la kiang in um ing ka tin, hun maljawl ing ka tin; zia gam zosia hi nangma leh la suante kiang ah hun pia’n, la pa Abraham kiang ah ka tiam kha hi’det ding ka hi:

THILSIAM THU 26:4

Van ah aksi jat in la suante hi’pung ing ka tin, zia gam zosia hi la suante kiang in hun pia’ng ka; la suan ah chun khawvel nam tinte hung navak intiu in;

THILSIAM THU 27:29

Nam chuam chuamte’n la na sêm uh hen la, chi chuam chuamte’n chibai hun bûk tau hen: la suapite chung ah leng in um inla; la nu chate’n chibai hun bûk tau hen: Hânsia hun law tapo chu, hânsialaw khum in um uh hen la, maljawlna hun pe tapo chu, maljawlna piak in um tau hen,” a ti tai.

THILSIAM THU 28:14

la suante chu leivui jat hung hi’n au; thanglam, saklam, mallam leh simlam ah kijak intiu in, nangma leh la suante ah chun lei ah nam tin maljawl in hung um in au.

THILSIAM THU 35:11

Chuleh, Pathian in a kiang ah, “El Shaddai chu ka hi; la chisuan pha hen la, hung pung ta’n; nam pakhat leh nam chi chuam chuamte la lak in hung piang in la khalbe’ kipat hin leng leh lalte le hung pawt in au.

THILSIAM THU 46:3

Ama chun, “Kei Pathian, la pa Pathian chu ka hi: Aigupta gam ah chia suk ding hi lau kin; zia tak ah chun chi lian tak in hun siam ding ka hi’ngal in.

2 SAMUEL 7:9

la chiana lam lam in ka hun umpi in, la mêlmate zosia la ma-âng in ka hun thalup piak ta’n, khawvel ah mi thupite gual in la min hi’lian ding ka hi.

1 LENGTE 1:47

Zia ban ah chun, lengpa suakte a hung un, I lal uh leng David a maljawl ua, ‘Pathian in Solomon min hi nang min sâng in suminthang zaw hen la, a lalchutpha hile nang lalchutpha sâng in sulopi zaw ta hen!’ a tiu in. Lengpa’n a lupna chung ah a lukûn in Pathian a be ta’n,

JOB LEKHABU 35:8

La nunsiatna chun, nangma gual ah mihingte bep a khoikha’n, la dikna’n le mihingte bep a huap hi.

SAM 107:38

A maljawlna ziak ah sukpun in a um un, a ganteu chu a kiam ding a phal puai.

PAWTDAWNA THU 1:7

Himaleh, Israel suante chu a chi pha ma ma in a pung ma mau ah, a hung hat ma ma tau hi; tichun, gam pumpi a hun lua suak tau hi.

PAWTDAWNA THU 32:10

tu’hin, ei thathawt inla, a chung ua ka lungnatna a hung kitongkhong ah, amau haw ka katmang vek theina dingin; nang la hileh vang nam lian tak in hun siam na’ng ka,” a tia.

ISAI 51:2

La pau Abraham chu en unla, a hun hingnu Sarah chule en un; ka la ko lai ah khan ama chu a chang ah um ahi’n, himaleh, ka maljawl ah, tam tak in ka siam tai.

EZEKIEL 34:26

Amau tawh ka tâng kîmvêl ah gamte chu maljawl ing ka tin; a hunbî tak in van gawtuite zuksak ing ka tin, maljawlna gua hita’n a.

MIKAH 7:20

Nidang lai ah kipat ka pu leh pateu kiang ah, la kitiam tâk gual in, Jakob kiang ah la ginumna latsak ah, Abraham kiangah la thutakna, danglam lo dungzui ah chun guitunsak ta’n.

ZEKARIAH 8:13

Aw Judah Inkuan leh Israel Inkuante haw, nam tin lak ah hânsia dong ah la umnau ah kipat khan hun hukdok ing ka tin, maljawlna bulpi’n hun siam ding ka hi tai. Lau him him kiu inla, la khutteu chu hi’hat tau in.

KISIMNA LEKHABU 14:12

Keima’n zia mite hi thi’na hîpi’n hun gawt ing ka tin, suan leh pâk bei in siam ing ka; nangma vang amau sâng ah nam lianzaw leh hatzaw’n hun siam ding ka hi,” a tia.

KISIMNA LEKHABU 22:12

Pathian in Balaam kiangah chun, “Amau chu la vazui lo ding ahi; zia mite chu hânsia valaw kin, amau chu maljawlsa a hiu,” ti’n a dawnhu a.

KISIMNA LEKHABU 23:20

Entia, maljawl dingin thupiak ka mu’n; ama’n a maljawl tâk chu ka hei lamdang thei puai.

ROMTE 4:11

Tichun, zektanlo ah a um lai in, ginna’n dikna a mui ti tepte’na chu a chang in; zia dikna chu amau â ding ah guat a hi’na dingin; zektanlote lak ah a gingtute zosia pa a hitheina dingin.

GALATIA 3:14

Chutichun, Abraham chung ah maljawlna chu Khrista Jesu ziak ah Jentelte chung in a hung tung in, zia gual ah Thagau tiam chu ginna ziak ah I mutheina ding un.

GALATIA 3:7

Chutichun, zia hi he tau in: Ginna umte ngei chu Abraham chate a hiu hi.

DAN LEKHABU 26:5

ziaphat chuleh, nang in Lalpa la Pathian ma-âng ah chun zia gual hin thu la gen ding ahi: “Aram gam ah kipat mi vâkvâi kha ka suantubul ahi’n; Aigupta gam in a chia suk ah, zia tak ah chun malzin in a vachâm a; mi tawmcha himaleu, nam lian tak, hat tak leh mipi tam tak a hung hitau in;