THILSIAM THU 11:8 - PATHIAN LEKHABU THIANGTHO (BSI)

⁸ Chutichun, Lalpa’n amau haw chu zia tak ah kipat chun lei chung zosia’n a thejak ta’n; tichun, a khawpi bawl lai uh chu a haisan tau hi.

THILSIAM THU 11:8 ပူးပေါင်းရင်းမြစ်များ

LUKA 1:51

A khutbân in a thahât jia a etsak in, a lungthim ua kisatheite chu a the’chek tai.

DAN LEKHABU 32:8

Chungnung pen Pa’n namte gam a hawm piak lai in, mihingte a khenjak lai in, mi tin chu a pathian uh tam dungzui un, a gamgi ding uh a guat piak a;

THILSIAM THU 10:32

Ziate chu Noah suante ah kipat namte chu a hiu ah; ziate ah kipat hin tui lêt zaw nung in, khawvel pumpi huap ah chêng dingin thejak in a la um tau ahi.

THILSIAM THU 10:25

Eber in chapa pani a nei ah: pakhat min chu Peleg ahi’n, ama dam lai ah chun lei hi khen in a la um ta’n; a suapipa min chu Joktan ahi.

THILSIAM THU 11:9

Ziaziakchun, a min in Babel a sau ah; Lalpa’n zia tak ah chun mi zosia pau a la sukdanglam tâk ziakin: zia kipat chun Lalpa’n amau chu lei chung zosia’n a thejak ta ahi.

THILSIAM THU 11:4

Amau chun, “Kisau in, khawpi siam hitiu; chuleh, In sâng vân supha hial ah sâng in bawl hitiu in, I min uh thansak hitiu; achutiloleh, lei chung zosia ah hin thejak in hung um kha tawl hitiu,” a tiu a.

THILSIAM THU 49:7

A lungnatnau chun hânsia dong ta hen; huham tak ahi ngal un: a thangtawmnau chunle hânsia dong ta hen, a nunsiat ziak un! Amau chu Jakobte lak ah kipat zendok ing ka tin, Israelte lak ah chun thejak ing ka.

SAM 92:9

Aw Lalpa, la mêlmate, nangma hun do-te zosia vang, mangthai intiu in; thil phalo bawl zosia chu thêchek in um ding a hiu.

THILSIAM THU 10:5

Amau chu thialkâl leh tuisuagiat pâm ah chêngte suantu bulte chu a hiu a. Ziate chu Japheth suante, amau nam dungzui ah gambung chuam chuam ah, amau pau jat chuam dungzui ah chêngjakte chu a hiu a.

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.