THILSIAM THU 11:7 - PATHIAN LEKHABU THIANGTHO (BSI)

⁷ Hung unla, vachia suk hitiu in, a kihotua theilona ding un a pau uh va sukdanglam piak hitiu,” a tia.

THILSIAM THU 11:7 ပူးပေါင်းရင်းမြစ်များ

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.

SAM 55:9

Aw Lalpa, buaisak inla, a lei uh buai gawpsak ta’n; khawpi sung ah kipawngbawlna leh kinakna ka mu ngal a.

THILSIAM THU 1:26

Ziaphatchun, Pathian in, “I kibatpiu, eimau gual mêlpu’n mihing siam hitiu; amau chu tuisuagiat ah sangate chung leh, chunglêng vachate, gancha leh gamsa zosiate chung leh lei chung ah bokvâk zosia chung ah thu neisak hitiu,” a ti’n.

1 KORINTH 14:23

Ziaziakchun, kochuam zosia kikhawm unla, pauhetlo in thu gen chiat taleu chin, a helote a hem, a ginglote a hem hung taleu, ngol salo ding a hiu em?

JEREMIAH 5:15

Aw Israel, gamla tak ah namte chu, nangma do dingin hun pui ding ka hi, Lalpa‘n a tii. Nam sekdo tak, kumlui tak leh, a pau uh la het ngailoteu leh, a gen uh la hiatthei lo teu a hiu.

SAM 2:4

Van ah chupa chun a nuisan in; Lalpa‘n amau chu nuizat um a sai.

JOB LEKHABU 12:20

Mi taksan umte thugen theina a lâkpiak ah, upate hetthiam theina chu a lâkmang piak hi.

DAN LEKHABU 28:49

Nangmau hun do ah, mupi’n a lâk gual ah hun ladok dingin, gamla tak, kawlkawdong lam pek ah mite, a pau uh la het ngai loteu Lalpa‘n hun sawl intin,

ISAI 6:8

Ziaphatchun, Lalpa aw chu ka hun he ta’n: “Kua a hem ka sawl ding? Kua a hem kei uh â ding ah kuan ding?” a hun ti’n. Keima’n, “Zia hin ka um hilam, ei sawl in!” ti’n ka dawnhu a.

THILSIAM THU 42:23

A kâl ua paulet mang sek a hiziak un, Joseph chun a thugen uh chu a hia’i ti a hepuau a.

THILSIAM THU 11:5

Tichun, mihingte khawpi leh Insâng bawlte entha dingin Lalpa chu a chia suk tai.

THILSIAM THU 10:20

Ziate chu Ham suante, amau nam dungzui leh amau pau dungzui in, amau gam chiat leh amau jat chiat ah a chên dan uh chu ahi.

THILSIAM THU 3:22

Ziaphatchun, Lalpa Pathian in, “Ngai un, mihingte chu eimau lak ah pakhat tawhbang in, a sia leh a pha hekhen thei a hung hi tau ah; tu’hin, hinna thinggate chu a khut ua kilaw ah ne’n, kumkhua’n hing zing kha’n au,” a ti’n.

THILSIAM THU 10:32

Ziate chu Noah suante ah kipat namte chu a hiu ah; ziate ah kipat hin tui lêt zaw nung in, khawvel pumpi huap ah chêng dingin thejak in a la um tau ahi.

THILSIAM THU 10:5

Amau chu thialkâl leh tuisuagiat pâm ah chêngte suantu bulte chu a hiu a. Ziate chu Japheth suante, amau nam dungzui ah gambung chuam chuam ah, amau pau jat chuam dungzui ah chêngjakte chu a hiu a.

PAWTDAWNA THU 4:11

Ziaphatchun, Lalpa’n a kiang in, “Mihing pau theina hi kua piak a hem? Kua’n ama chu pautheilo leh bengngong ah, mitvak leh mitthûm ah a siam a hem? Kei Lalpa hi ka hi pua a hem?

ISAI 33:19

Mi huham tak tak, a pau uh la het lo, a pau uh ngaidonle la hettheilote chu, mu kît talo ding la hi.