THILSIAM THU 10:5 - PATHIAN LEKHABU THIANGTHO (BSI)

⁵ Amau chu thialkâl leh tuisuagiat pâm ah chêngte suantu bulte chu a hiu a. Ziate chu Japheth suante, amau nam dungzui ah gambung chuam chuam ah, amau pau jat chuam dungzui ah chêngjakte chu a hiu a.

THILSIAM THU 10:5 ပူးပေါင်းရင်းမြစ်များ

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

JEREMIAH 2:10

Tumlam Kupra tuisuagiat pang Kittim tiang in, va gâl kâi in vaen un; ahiloleh, Sualam Kedar lam ah mi sawl unla, pha tak in vaenchian uh hen; zia gual thil hi a um ngai em ti vakan chian tau hen!

JEREMIAH 25:22

Tura lengte zosia, Sidon lengte zosia tawh, tuisuagiat pangjul gamte ah leng zosia tawh;

ISAI 42:4

Khawvel ah a vaihawmna a dindaw masia, chautha pua’n tin, lungthuai diak pua’n a; thialkâl gam ah mite’n a thuhilna chu a la ngak zing ui.

THILSIAM THU 10:20

Ziate chu Ham suante, amau nam dungzui leh amau pau dungzui in, amau gam chiat leh amau jat chiat ah a chên dan uh chu ahi.

ISAI 60:9

Tuikual gam tin ah umte chu ka jai ei ngâk in, Tarshish longliante chu hung masa’n, khual gamla tak ah kipat la chate, a sana leh dangkateu tawh hun pawkhawm dingin, Keima, Israel Mithiangtho Lalpa, la Pathian uh hin, Keima ei chawihoi theina ding un, la mipiteu chu ka chawisâng ta’ngal a.

ISAI 59:18

A thilbawl uh tawh kigûn in dit kit in a; ama dodâlte chung ah lungnatna, a mêlmate chung ah thukna leh, tuikual gam zosia chule hun thuk kit in a.

ISAI 51:5

Kin tak in ka hukdamna hun naisak ing ka tin, ka hukdamna pawtdok in, ka khutbân in mi tinte chung ah vaihawm ding ahi; kawlkil tiang ah mite’n ei ngâk un, ka khutbân chule a kinepnau ahi.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 42:10

Lalpa pâk in La thak sau inla, kawlkil langkhat lam ah kipat, a langkhat lam tiang in pâk tau in! Tuisuagiat leh a sung ah chêng zosia, tuikual gam leh a sung ah chêng zosia’n le, a awu sua chiat tau hen.

ISAI 41:5

Tuikual gam ah mite’n a muu ah, a lau un; kawlmong lam ah mite le a kithing ui. A hun nai un, a hung tau hi.

ISAI 40:15

Namtin hile bâltin ah tui vat khat gual bep a hiu in, bûkna te’na kuak ah leivui bek gual bep a hiu; en un, ama’n thialkâl gamte hi, leivui nêl gual bep in a ladok sek hi.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

SAM 72:10

Tarshish leh thialkâl tin ah lengte chunle, leiman hun chawi uh hen la; Sheba leh Sheba lengte’n le, thilpiak hun chawi tau hen.

THILSIAM THU 10:25

Eber in chapa pani a nei ah: pakhat min chu Peleg ahi’n, ama dam lai ah chun lei hi khen in a la um ta’n; a suapipa min chu Joktan ahi.

THILSIAM THU 10:4

Javan suante chu: Elisha, Tarshish, Kittim leh Dodanim a hiu a.

THILSIAM THU 10:6

Ham suante chu: Kush, Aigupta, Put leh Kanaan a hiu a.

EZEKIEL 26:15

Tura kiang in Lalpa Pathian in zia gual hin a gen hi: La sung ah kitha’na a um zing ah, liamna thuakte thûm leh mau ah a um zing ui, la pûkna thawmgit in tuisuagiat pâm ah gamte chu thawng lo ding a hem?

EZEKIEL 26:18

Tuisuagiat pang ah gamte la siat ni’n a kithing un; tuisuagiat pang ah gamte chu, la manthai ni’n a beidong ui,” ti in.

DANIAL 11:18

Ziazaw chuleh, tuisuagiat pang lam ngat intin, tam tak la’n a. Himaleh, hotu lian pakhat in a mi simmawna chu hitawp in ah; a mi simmawna chu ama chung ma ma chu kit ta’n a.

THILSIAM THU 9:19

Ziate pathum chu Noah chapate a hiu ah. Ziate ah kipat chun khawvel pumpi dâp suak mihingte hi hung pawtdok a hiu a.

THILSIAM THU 10:32

Ziate chu Noah suante ah kipat namte chu a hiu ah; ziate ah kipat hin tui lêt zaw nung in, khawvel pumpi huap ah chêng dingin thejak in a la um tau ahi.

DAN LEKHABU 32:8

Chungnung pen Pa’n namte gam a hawm piak lai in, mihingte a khenjak lai in, mi tin chu a pathian uh tam dungzui un, a gamgi ding uh a guat piak a;

ESTHER 10:1

Lengpa Ahasueras in a gam sung leh tuikual gam ah chêngte chung ah chun sia a choisak chiat ta’n.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.