THILSIAM THU 1:6 - PATHIAN LEKHABU THIANGTHO (BSI)

⁶ Pathian in, “Tui leh tui kikâl ah chun van awng lian tak um hen la, tui leh tui chu kikhen ta hen,” a ti’n.

THILSIAM THU 1:6 ပူးပေါင်းရင်းမြစ်များ

THILSIAM THU 1:14

Pathian in, “Sûn leh Jan khendanna dingin van awng lian tak ah chun vâk um hen la, ziate chu teptênate, hunbîte, nite leh kumte hetna ding hi hen la,

THILSIAM THU 1:20

Pathian in, “Tuite chun hinna nei ganhing tam tak hung pawtsak uh hen la, vachate le vanthamjawl lian tak ah, lei chung in lêng tau hen,” a ti’n.

JOB LEKHABU 26:13

Vante mêlpha tak ah siam chu a huizang ahi’n, a khut in gulpi jam ah tai lai a sunthil hi.

JOB LEKHABU 37:11

Sûmpi sa’tak chu tui a puak sak ah, sûmpite chun a kawlphe a thejak hi.

JOB LEKHABU 37:18

Ama gual ah nang in, lîmlang hal gual ah tâk, vante chu phejak thei bek ding la hem?

SAM 104:2

khawvak hi puan gual ah kithuamna’n la mang hi. Puanbûk gual in vante la kaipal in,

SAM 148:4

Nanghaw van sâng pente haw, ama chu pâk unla; vante chung ah tuite chunle pâk un!

SAM 150:1

Lalpa chu pâk un! A mun thiangtho ah chun Pathian pâk unla, a hâtna van awng lian tak ah chun pâk tau in!

SAM 19:1

Vante khin Pathian lopi zia a hiatsak un; vanthamjawl lian tak khin a khutsuak a latsak hi.

SAM 19:2

Sun in sun kiang in a hilsawn ah, jan inle jan kiang in hetna a latsak sawn hi.

SAM 33:6

Lalpa thu’n vante khi siam ahi’n, zia um zosia chu a kam ah suak a hu ah siam a hiu.

SAM 33:9

Ama’n a gen ah a hung um ta’n; ama’n thu a pia’n a hung um det ngal tai.

THUGENTU 11:3

Sûmpi’n a dim in gua a pua’n, lei chung ah gawtui a buntha sek; mallam nga a hem, simlam nga a hem ah, thing a pûk chun, a pûkna mun chun a um den hi.

ISAI 40:22

Leilung huap phâk khêl lam ah, lal chutpha sâng tak in a kichu hen, a mipite chu khauphak hon a bang ui. Puanjak gual in vânte khi a kaipal in, chênna ding puanbûk gual in a kaimal hi.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JEREMIAH 51:15

A thilhitheina Lei siam ah, a pilna khawvel tungding ah, a lemhiatna vante kaimalpa chu ahi.

ZEKARIAH 12:1

Israel chung thu ah Lalpa kamsuak chu: Lalpa, vanthamjawl lian tak phaljakpa leh, leilung kingakna siampa leh mihing sunggil ah thagau siampiakpa ngei chun zia gual hin a gen hi:

2 PETER 3:5

Zia hi a kihiatlosak un: Pathian thu’n nidang lai in vante a hung um ah, lei chu tui ah kipat in, tui ma ma chu mang ah siam a hi.