THILSIAM THU 1:4 - PATHIAN LEKHABU THIANGTHO (BSI)

⁴ Pathian in vâk chu a mu phât in pha a sa’n; tichun, Pathian in vâk leh thim chu a khendan tai.

THILSIAM THU 1:4 ပူးပေါင်းရင်းမြစ်များ

THILSIAM THU 1:10

Pathian in khawmual chu Lei a sak in, tui umkhawmte chu Tuisuagiat a sak tai. Pathian in ziate haw chu a mu in pha a sa ma ma hi.

THILSIAM THU 1:12

Lei chun hampate, amau umdan ding gual chiat ah chi nei ah gate leh a ga sung ua a chiteu um dingin a umsak ta’n: Pathian in ziate chu a mu in pha a sai.

THILSIAM THU 1:18

sun leh jan chung ah vaihawm ding leh thim leh vâk khendanna dingin a siam hi; Pathian in zia chu a mu in pha a sai.

THILSIAM THU 1:25

Chutichun, Pathian in gamsa amau chi dungzui chiat leh, ganchate chu amau chi dungzui chiat un, lei ah bokvâk zosia le amau chi dungzui chiat un a siam ah. Pathian in zia chu a mu in pha a sai.

THILSIAM THU 1:31

Chutichun, Pathian in a thilsiam zosia chu a en ah; ngaitia, pha a sa ma ma hi. Nitâk lam a um ah, jingkal lam le a hung um tai; a ni guk ni’ah chun.

SAM 145:10

Aw Lalpa, la thilbawl zosiate’n, la kiang ah kipak thu gen uh hen la, la mi ginum zosia’n hun pâkcha tau hen.

SAM 145:9

Mitin â dingin Lalpa chu a pha’n, a thilsiam zosia chu a lainat hi.

THUGENTU 11:7

Khawvak hi a nuam in, mit ah nisa vâk mu chu thil nuam tak ahi.

THUGENTU 2:13

Tichun, vâk in thim a khêl gual in, pilna’nle mawlna chu a khêl nasa ma ma hi ti ka mudok tai.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.