THILSIAM THU 1:2 - PATHIAN LEKHABU THIANGTHO (BSI)

² lei chu mêl leh puam nei nai lo leh a hawm mai ahi’n, tui thûk takte chung chu thim in a khû ah; chuleh, Pathian Thagau chu tuipi chung in a leng tawl tawl zing hi.

THILSIAM THU 1:2 ပူးပေါင်းရင်းမြစ်များ

JOB LEKHABU 26:14

Ziate hi a thilbawl dan them khat bep ahi; a thilbawldan I het uh a tawm na lawm lawm e! Himaleh, van-gite chu, kua’n hechian thei ding a hiu em?

JOB LEKHABU 26:7

Thawveng tak in Zaphon chu a kaimal ah, A khaina umlo in lei hi a kitûl sak hi.

JOB LEKHABU 38:9

Tuisuagiat sil leh chên ding ah, sûmpi leh a tuamna puan ding ah, thimna sâ tak ka siam lai ah;

JOB LEKHABU 41:32

A sulnung chu a vak pek ah, mite chun tuipi chu a vam gual in a mu sek ui.

SAM 104:30

La hu la thâ khum phat leh amau chu siam in a um un; lei chung le la bawl thak kit sek hi.

SAM 104:6

Puan gual in tuisuagiat hi la sil sak in; tui chun tângte chu a khû hi.

SAM 136:6

tui chung ah leipêk jak mal diai duai pa kiang ah chun, a ngilneina chu kumkhua’n um ding ahi ngal a;

SAM 148:7

Lei ah kipat hin Lalpa chu pâk un! Nanghaw tui lak ah ganhing lian leh, tuili thûk takte haw,

SAM 33:6

Lalpa thu’n vante khi siam ahi’n, zia um zosia chu a kam ah suak a hu ah siam a hiu.

THUPILTE 8:24

Tuisuagiat kisiam masang leh, tuiluang kipatna tuinâkte um ma khan le siam ka la hi tai.

ISAI 31:5

Vacha’n a bu chung sâng tak ah lêng ah, a note a venbit gual in, sepai honte Lalpa chun Jerusalem vêng bit ding ahi ngal a; vêng bit in, hukdok intin, hinghoi in humbit ding ahi.

ISAI 45:18

Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.

JEREMIAH 4:23

Lei chu ka vak en ah, ngaitia suksiat ah um leh a hawm ahi tai; vante le ka et leh, vakna a nei ta puau hi.

NAHUM 2:10

Chomnâm ah um, nutsia ah um leh, suksiat dim dem ahi tai! Lungthim a basam in, khûp zosia a kithing tai; kawng zosia a kithing na zo ta’n, maisua zosia a ngûi zo tai!

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

DAN LEKHABU 32:11

Mupi’n a bu ah a no chok tho ah, a note chung ah, a thate a jak ah, a puak to sek gual in,