THILSIAM THU 1:1 - PATHIAN LEKHABU THIANGTHO (BSI)

¹ Pathian in a lim tak ah lei leh vânte a siam lai ah khan,

THILSIAM THU 1:1 ပူးပေါင်းရင်းမြစ်များ

2 LENGTE 19:15

Hezekiah chu Lalpa kiang in a pauchap ah, zia gual hin a gen a: “Aw Lalpa, Israel Pathian, cherubte chung ah Lalchutpha chupa, Nangma hi Pathian chu la hia, nang bep chu la hi lei ah lenggam zosia chung ah vaihawmpa chu: Nang in van leh lei hi la siam ahi ngal a.

1 KHANGTHU 16:26

Mite pathian haw zosia chu milim po ahi ngal ah, Lalpa‘n vang vante khi a siam hi.

2 KHANGTHU 2:11

Ziaphatchun, Tura Lengpa Huram chun Solomon kiang in lekha a thot a: “Lalpa‘n a mipite a lungsiat ziakin a chung ua leng ah pang dingin nang chu a hun guat ahi,” a tia.

NEHEMIAH 9:6

Chun, Ezra in, Nangma bep hi Lalpa chu la hi; nang in van leh a sung ah um zosia leh, lei leh a chung ah um zosia leh, tuisuagiat leh a sung ah um zosia hi la siam ah. A leng un hinna la pia’n, van lam ah um zosia’n le a hun ho ui.

JOB LEKHABU 26:13

Vante mêlpha tak ah siam chu a huizang ahi’n, a khut in gulpi jam ah tai lai a sunthil hi.

JOB LEKHABU 38:4

Leilung kingakna ka phûm lai khan, khoitak ah um la hi em? hetna nei kisa la hi chun ei dawnhu tiam in.

JOB LEKHABU 9:8

ama bep in vante a kaimal ah, tuisuagiat ah dragon chu a chuan den ah;

SAM 102:25

Masanglai ah kipat khan leilung kingakna hi, la phûmsa a hita’n; vante khi la khutsuak ahi.

SAM 104:24

Aw Lalpa, la thilbawlte a tam na lawm lawm e! Pilna ah la siam sik sek ahi’n; leilung hi la thilsiam in a lua dim tai.

SAM 104:30

La hu la thâ khum phat leh amau chu siam in a um un; lei chung le la bawl thak kit sek hi.

SAM 115:15

Nangma chu lei leh van siampa, Lalpa maljawlna dongpa hung hita’n.

SAM 121:2

Lalpa, lei leh van siampa ah kipat in, panpi’na a hung tung hi.

SAM 124:8

Ei panpi’na chu Lalpa, lei leh van siampa min in a um hi, ti tau hen.

SAM 134:3

Lalpa, lei leh van siampa chun, Zion ah kipat in hun maljawl ta hen!

SAM 136:5

hetna ah vante siampa kiang ngei ah chun, a ngilneina chu kumkhua’n um ding ahi ngal a;

SAM 146:6

ama lei leh van, tuipi leh, a sung ah um zosiate siampa chu, kumtuang in a ginum in,

SAM 33:6

Lalpa thu’n vante khi siam ahi’n, zia um zosia chu a kam ah suak a hu ah siam a hiu.

SAM 33:9

Ama’n a gen ah a hung um ta’n; ama’n thu a pia’n a hung um det ngal tai.

SAM 8:3

La khutsuak vante leh la siamsa thapi leh aksite khi, ka vak et tak leh;

SAM 8:4

mihing hi bang ahi lawm lawm ah, la het zing sek a, mihing thi thei hile la kanthâk sek a hem? ka ti sek hi.

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

SAM 96:5

Namtinte pathian chu milimte po ahi’n, Lalpa‘n vang vante khi a siam hi.

PAWTDAWNA THU 20:11

Ni guk sung in Lalpa’n lei leh van, tuisuagiat leh a sung ah um zosia hi a siam zo ah, a ni sagi ni’n a la chawlsan tâk ziakin, Lalpa’n Sabbath ni chu maljawl in, a suthiangtho ta ahi.

PAWTDAWNA THU 31:18

Sinai tâng ah Mosi kiang ah Pathian in thu a gen zaw phatin, thuthung suangpêk pani, Pathian khut in a zik chu Mosi a petai.

THUPILTE 16:4

Lalpa‘n thil zosia hi panna nei chiat dingin a la siam ah; migilo natiangle ni phalo hun â dingin a la siam ahi.

THUPILTE 3:19

Lalpa‘n pilna’n leilung a din ah, hetthiamna’n vante khi a hi’det ah;

THUGENTU 12:1

La khangdawn lai ni hin a hun siamtu chu hezing inla, ni phalote a hung tun masang leh, “Kipakna him him ka nei puai,” la ti’na ding kum in a hun nai masang leh,

ISAI 37:16

“Aw, sepai honte Lalpa, Cherubte chung lam ah lal chutpha kichu Israelte Pathian, lei chung lenggam zosia lak ah nangma bep hi Pathian la hi; nang in lei leh van hi la siam a.

ISAI 40:21

A la he’kha lo la hem? he’kha lo lai la hem? A lim ah kipat a hun hil puau ah a hem? Lei kisiam lim ah kipat a la hethiam nai lo la hiu em?

ISAI 40:26

La mit uh te sâng unla, en tiam un; zia zosia chu kua siam a hem? Amau siampa chun aksi honte a mal mal in a tiam ah, a min chiat un a ko hi; a hat ma ma ziak leh, a thilhitheina chungnun ziakin, pakhat chale a hi’khial puai.

ISAI 40:28

He’kha lo la hem? A la he’kha nai lo la hem? Lalpa chu Kumtuang Pathian ahi’n, kawlmong tiang Siamtu chu ahi. Ama chu chau ngai lo leh chawl ngai lo ahi; a thil hiatthiamna chu suidaw ding gual ahi puai.

ISAI 42:5

Lalpa Pathian, vante siam ah kaipalpa, lei jak pal ah a sung ah um zosia umsakpa, a chung ah chêng mipi zosia hinna pepa leh, a sung ah chia lumlet zosiate thagau pepa chu:

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:18

Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

ISAI 51:16

Ka thute chu la kam ah ka koi ta’n; chuleh, ka khut lîm ah chun ka hun sêlgu tai. Vante khi ka kaipal ah, khawvel kingaknate hi ka lem in, chuleh, Zion kiang in, “Ka mipite la hiu,” ka ti tai.

ISAI 65:17

Ngaitia, van thak leh lei thakte chu ka siam in, thil masate chu het zing hita pua’n tin, ngaituana’nle lut ta pua’n a.

JEREMIAH 10:12

A thilbawl theina leilung siampa chu ama ahi’n, a pilna’n khawvel hi a phudet a; a hiatthiamna’n vante khi a kaipal hi.

JEREMIAH 32:17

Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

JEREMIAH 51:15

A thilhitheina Lei siam ah, a pilna khawvel tungding ah, a lemhiatna vante kaimalpa chu ahi.

ZEKARIAH 12:1

Israel chung thu ah Lalpa kamsuak chu: Lalpa, vanthamjawl lian tak phaljakpa leh, leilung kingakna siampa leh mihing sunggil ah thagau siampiakpa ngei chun zia gual hin a gen hi:

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

MARKA 13:19

Zia hun tung ding ah gentheina chu, zia gual ah huaisia him him chu Pathian thilsiam tîl ah kipat tu’hun tiang ah le um kha nai lo a hi’n, a nung inle um kit ta ngai lo ding ahi.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

NASEPTE 17:24

Zia Pathian chu khawvel Siampa leh a sung ah um zosia Siampa, lei leh van Lalpa, tempul khut ah kisate ah hin a chêng pua’n;

NASEPTE 4:24

Zia thute chu a het phat un, kithu gual tak leh aw ngai tak in, Pathian kiang in, “Thunei pen Lalpa, nang, lei leh van leh tuisuagiat leh a sung ah um zosia siampa,

ROMTE 11:36

Ama ah kipat leh ama ziak leh, ama â ding ah thil zosia hung um ahi ngal ah; ama kiang ah chun kumtuang lopina chu um ta hen, Amen.

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

EPHESA 3:9

Pathian, thil zosia siampa kiang ah kumtuang ah sêl ah a la um thugûk chu, mi zosia musak dingin.

HEBRAITE 1:10

Chuleh, “Lalpa nang in a tîl in, leilung bulpi chu la guanggal a; vante khi nangma khutsuak ngen ahi;

HEBRAITE 1:2

tu’hun nunung lam ah hin vang a Chapa in I kiang un thu a gen zaw tai; a Chapa chu bangkim golua dingin a têl ah, ama mang in Pathian in khawvel hi a la siam tai.

HEBRAITE 11:3

Ginna’n zia khawvel hi Pathian thu ah kisiam fel zo ahi tai ti I hiau a; tichun, mutheite hi a kilang lo ah kipat siam ahi.

HEBRAITE 3:4

(In zosia hi a satu a um chiat ah, bangkim Siampa bo chu Pathian a hi.)

2 PETER 3:5

Zia hi a kihiatlosak un: Pathian thu’n nidang lai in vante a hung um ah, lei chu tui ah kipat in, tui ma ma chu mang ah siam a hi.

1 JOHAN 1:1

Hinna thu, a lim ah kipat a la umsa, kei un ka la het uh, ka mit ua ka muu, ka la et zing uh, ka khut ua ka khoi uh zia hinna chu a hung kilang ta’n, ka la mu tau a;

THUPUAN 10:6

Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

THUPUAN 14:7

Ama chun aw ngai tak in, “Pathian chu lau unla, choihoina piau in; a vaihawm hun a tung tangal a; ama chu lei leh van leh tuisuagiat leh tuinâkte siampa chu a hiziak in bia un,” a tia.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:13

Kei Alpha leh Omega, a masa pen leh a nunung pen, a bul leh a tawp chu ka hi.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

THUPUAN 4:11

“Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.