SAM 96:2 - PATHIAN LEKHABU THIANGTHO (BSI)

² Lalpa chawihoi ah La sa’n, a min pâk un; nisi’n in a hukdamna thu het sak tau in.

SAM 96:2 ပူးပေါင်းရင်းမြစ်များ

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

SAM 103:20

Aw nang uh a vansawlchâkte haw, nanghaw a thu ngai ah zawm sek, a nasemte haw, Lalpa chu pâk tau in.

SAM 145:1

Ka Pathian leh lengpa, nangma hun chawisâng in, la min kumtuang in pâk ing ka.

SAM 145:10

Aw Lalpa, la thilbawl zosiate’n, la kiang ah kipak thu gen uh hen la, la mi ginum zosia’n hun pâkcha tau hen.

SAM 145:2

Nisi’n in hun pâk ing ka tin, la min kumtuang, kumtuang in chawihoi ing ka.

SAM 40:10

La hukdawna panpi’na chu, ka thinlung sung hin ka îm pua’n, la ginumna leh la hukdamna thu ka tângkopi zaw ahi; la ngilneina leh la ginumna chu, mi tampi kikhawmte kiang ah chun ka îm puai.

SAM 71:15

Kei â ding ah la phatna tam dan leh, ka hiatsen lo hiziang maleh, ka kam hin la dikna thu gen intin, sun nitum in la hukhinna thu gen ing ka.

ISAI 40:9

Aw Zion, chanchinpha hun tuntu, mual sâng chung ah kal to in. Aw Jerusalem ah chanchinpha hun tuntu, a ngai thei pen in kiko inla, kikodok inla, lau kin; Judai gam ah khawpite kiang in: “La Pathian uh zia hin a um hi,” ti’n hil un.

MARKA 16:15

Tichun, a kiang un, “Khawvel zosia’n chiau inla, thilsiam zosia kiang in chanchinpha vagen un.

NASEPTE 13:26

Suapite haw, Abraham suan um khawmte leh, la lak ua Pathian ki’cha takte haw, zia hukdamna thu chu ei haw kiang ah hun kisawl ahi tai.

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

THUPUAN 5:13

Thilsiam zosia, van leh leinuai leh tuisuagiat chung leh a sung ah um zosiate chun: “Lalchutpha chupa leh Belamno kiang ah chun, maljawlna, jana, lopina leh, vaihawmna leh thilhitheina kumtuang in um hen,” a tiu ka he.