SAM 9:9 - PATHIAN LEKHABU THIANGTHO (BSI)

⁹ Sukgenthei ah umte â dingin Lalpa chu kulpi ahi’n; lungjin lai ah kulpi ahi.

SAM 9:9 ပူးပေါင်းရင်းမြစ်များ

1 KHANGTHU 16:33

Lei chung vaihawm ding ah a hung phat leh, 7 gammâng thing zosia’n Lalpa âng in, kipak in La sa tau hen.

SAM 108:12

Aw ei do-te dopi dingin ei hung panpi in, mihingte panpi’na vang bangmalo mai ahi ngal a.

SAM 142:4

Ka changlam en inla, ngaitia: kuama ei limsak a um puau in; ka kisêlna dingle a um ta puai; kuama’n ei khawtua puau hi.

SAM 18:2

Lalpa chu ka suangpi, ka kulpi det leh ei hukdokpa ahi; ka Pathian, ka kisêlna suangpi, ka phaw leh ka hukdamna kî leh ka kulpi ahi.

SAM 20:1

Lungjin ni leh Lalpa‘n hun dawnhu ta hen! Jakob Pathian min in hun humbit ta hen!

SAM 32:7

Nang, ka kisêlgukna la hi’n; lungkhamna lak ah kipat ei hukdok in la tin; lei hukdawna ziak ah kipakna La te chu, ei ûm kîmvêlsak ding la hi. (Selah)

SAM 37:39

Mi dikte hukdamna chu Lalpa ah kipat ahi’n; ama chu a lungjin lai ua kisêlna kulpi ahi.

SAM 46:1

Pathian chu I kisêlnau leh I hatnau, lungkham lai ah panpi vak ziang naicha um ahi.

SAM 46:7

Sepai honte Lalpa chun ei umpi a; Jakob Pathian chu I kisêlnau ahi.

SAM 48:3

Khawpi kul sung ah chun, Pathian in amau humbit ding ahi dan a hiatsak tai.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 62:8

Aw mipite haw, ama chu ging zing un, la thinlung gil teu a ma’n sungdok unla; Pathian chu I kisêlnau ahi. (Selah)

SAM 67:5

Aw Pathian, mi tin in hun pâk uh hen la, mi zosia’n hun pâk tau hen.

SAM 7:9

Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

SAM 96:10

“Lalpa chu lal ahi! Leilung hile det tak in a phu in, kilîng ngai ngai pua’n a. Ama’n nam tin dik tak in vaihawm piak ding ahi,” ti nam tin lak in genjak un.

SAM 98:9

khawvel vaihawm ding ah hung Lalpa ma ngei ah chun. Ama’n khawvel hi dik tak in vaihawm piak intin, doichuam neilo in nam zosia vaihawm piak ding ahi.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

ISAI 32:2

Amau chu hui lak ah kisêlna, thigawpi lak ah kihumbitna hi’ntin uh, gamkeu ah luicha tui luang leh, gamkeu cholmun umlo’na suangpi lîm gual hung hita’n au.

ISAI 8:14

Ama chu mun thiangtho leh mite kisuina suang hung hi’n a; Israel Inkuante â ding ah kipal pûkna suangpi hi’ntin, Jerusalem ah chêngte â ding ah chun thâng leh pial hung hi’n a.

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

LUKA 13:34

Aw Jerusalem, Jerusalem, jawlneite that ah, la kiang ua hun kisawlte suang ah sep sekte haw! Akpin a note a tha nuai ah a awp khum gual in, la chate tamvei tak awp khum ka nuam in; himaleh, la nuam puai!

DAN LEKHABU 33:27

Ama’n tuanah tângah pathiante a nuaisia ah, malai ah thuneite chu a tawden ah; la mêlmate la âng un a del mang a, a kiang un, “Hi’mangthai un,” a tii.

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.