SAM 82:8 - PATHIAN LEKHABU THIANGTHO (BSI)

⁸ Aw Pathian, hung kipan inla, leilung vai hung hawm tiam in; namtin hi nang â ahi ngal un!

SAM 82:8 ပူးပေါင်းရင်းမြစ်များ

SAM 102:13

Tho inla tin, Zion khawtua ding la hi, doisak hun lai tak ahi ngal a; hun guat chu a tung tai.

SAM 12:5

“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” Lalpa‘n a tii.

SAM 2:8

Ei don in, tichun la gochan dingin, namtin hun pia’ng ka tin, kumkhua la nei den dingin siam ing ka.

SAM 22:28

Chungnunna chu Lalpa â ahi’n, nam tin chung ah vaihawmpa ahi ngal a.

SAM 44:26

Tho inla, kei uh panpi dingin hung in! La ngilneina ziakin kei uh ei hukdam ta’n!

SAM 7:6

Aw Lalpa, lungna’n hung kipan inla; ka mêlmate lungnatna do dingin hung kuan inla; Aw ka Pathian, hung kipan in; vaihawmna la guat ta ngal a.

SAM 76:10

La lungnatna la kitûk tânsak phat leh, mihingte lungnatna chun hun chawisâng in au.

SAM 94:2

Aw lei chung ah vaihawmpa, hung kipan inla, mi kisatheite kisaktheina gûn chu hun pia ta’n!

SAM 96:13

Lalpa ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.

ISAI 51:9

Aw, Lalpa khutbân chu hung tho inla, hung thodok in, hatna’n hung kithuam ta’n! Nidang lai ah khangluite hun lai gual ah khan, hung thodok in! Nangma hilo maw Rahab a them them ah âttel ah, dragon sunlum kha?

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

MIKAH 7:7

Ke’n vang, Lalpa lam en zing ing ka tin, ka hukdamna Pathian chu ngâk zing ing ka; ka Pathian in ei ngaitha ding ahi.

ZEPHANIAH 3:8

Ziaziakchun, hiatpitu ah, ka hung din hun chu ei la ngâk un, a tii. Namte pui khawm ding leh lenggamte suktua ah, a chung ua ka lungnatna leh, lei chung zosia kât tum ding hi, ka thupukna ahi ta’ngal a.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.