SAM 82:5 - PATHIAN LEKHABU THIANGTHO (BSI)

⁵ Hetna leh hetthiamna him him neilo in, thim lak in a vâk vêl vêl un; leilung kingakna zosia chu a kilîng tai.

SAM 82:5 ပူးပေါင်းရင်းမြစ်များ

JOB LEKHABU 8:9

eihaw hi ja’ni mi bep I hiu ah, bangmacha helo leh, I lei hinkhuau hi lîm gual bep ahi ngâl a.

SAM 11:3

A suangphûmte bawn hi’siat ahi chun, midik in bang bawlthei diak ding a hem?

SAM 14:4

Vaithum nêk gual ah ka mipite ne zo mi nunsiate chun, hetna him neilo a hiu em? Chuleh, Lalpa ko ngai lo a hiu em?

SAM 53:4

Thil phalo bawlte chun hetthiamna neilo ah, vaithum a nêk gual un ka mite a ne zo tau ah, Pathian le ko diak lo a hiu em?

SAM 75:3

Lei leh a sung ah um zosia a kilîn phat leh, keima ngei hi ka hi a khuamte phudetpa chu. (Selah)

SAM 99:1

Lalpa chu leng ahi; nam zosia’n lau in kilîng tau hen! Cherubte chung ah lal in a chu hen, lei hi kithing ta hen!

THUPILTE 1:29

Hetna chu la huau ah, Lalpa launa chu la têl lo ziak un,

THUPILTE 2:13

thil phalo bawlte chun lam dik jamsan in lamthim lam a zuan un;

THUPILTE 4:19

Mi nunsiate lampi chu, khûk thim tak gual ahi’n; a bang pen ah kisui a hiu le a hethei ngai puau hi.

THUGENTU 2:14

Mipil chun a luchang in mit a nei in; mingol ahileh vang thim lak in a chia hi. Ahi’nla, a chung ua thil tung zosia chu a kibang chiat ahi ti le ka mu tai.

THUGENTU 3:16

Chuleh, khawvel ah hin thudikna ding mun ah phatlo na um leh, dikna ding mun ah siatna um ta mai chule ka mu hen.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

ISAI 59:9

Ziaziakchun, vaihawmna dik ah kipat chun, ka gamla tau in, diktatna chun ei pha zo ta puai; vâk ka hawl unla, thimna bep a hizawi; vâkna hawl lai chu thim lak in ka chia tau hi.

MIKAH 3:1

Nanghaw Jakob Inkuan hotute leh, Israel Inkuan ah vaihawm zosiate haw ngai un! Vaihawmna dik chu he lo la hiu em? ka ti’n.

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOHAN 3:19

Zia hi thiamlo channa chu ahi, vâk chu khawvel in a hung a; himaleh, mite’n vâk sâng in thim a dawi zawu hi, a thil hi’teu a phatlo ziakin.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

1 JOHAN 2:11

Himaleh, kuale gingtu dang hua vang chu thim ah um in, thim ah khawsa’n, thim in a mit a sukthûm ziakin a chiana dingle a hepuai.