SAM 76:6 - PATHIAN LEKHABU THIANGTHO (BSI)

⁶ Aw Jakob Pathian, la vauna ziakin sakol leh, a chungchuang mite chu a tawimaw zo tau hi.

SAM 76:6 ပူးပေါင်းရင်းမြစ်များ

2 SAMUEL 10:18

Israelte chun Aramte chu a del jak tau a; David in Aramte sakol kângtalai sepai hon za sagi tawh, sakol sepai sîng li a that ah; chuleh, a sepai hotu pen uh Shobakh chule a liam ah, zia mun chun a thi den tai.

2 LENGTE 19:35

Zia jan ma ma’ chun, Lalpa vansawlchâk a hung ah, Assuria mite kikulna mun ah sepaite nuai khat leh sîng giat leh sang nga a that ah; jingkal khawvak phatin, a thisa ngen a la hitau hi.

2 KHANGTHU 32:21

Lalpa‘n a vansawlchâk pakhat hun sawl in, Assuriate sepai hangsan leh a hotute leh a sâpliante zosia chu a hung bantan sik sek tai. Tichun, ama chu zakcha tak in a gam lam un a kile’kit tai. A pathian In ah a vachia phatin, ama chate ma ma chun chemjam in a that tau hi.

SAM 104:7

La vau leh a jam mang un; la van-gi ziakin a tai mang ui.

SAM 18:15

Ziaphatchun, aw Lalpa, la zilgaina leh la nâk hawm ah hu pawt ah la mût ziakin, tuipi luannate a hung kilang in; leilung kingaknate le a hung kilangdok tai.

SAM 80:16

Mêlmate’n mei in a hâl un, a phûk tau hi; amau chu la mêl ah la vauna ziakin, hi’mangthai hitau hen.

PAWTDAWNA THU 15:1

Ziaphatchun, Mosi leh Israelte chun Lalpa pâk in zia La hi a hun sa tau a: Lalpa pakna’n La sa’ng ka tin, lopi tak in gual ei zawsak ta’ngal a: sakol leh a chung ah chuangte chu, Tuipi sung in a pai lut tai.

PAWTDAWNA THU 15:10

La hui in la mûtsak ah, Tuipi chun amau a chup mang ta’n; Tuipi nasa tak ah chun, ngêntum gual in a tum mang tau hi.

PAWTDAWNA THU 15:21

Miriam in amau haw dawnhu in La a hun sa’n: “Lalpa chun lopi tak ah a zaw tâk ziakin, a min pakcha’n La sau inla; sakol leh a chung ah chuang mite, Tuipi sung in a pai lut ta’ngal in,” ti in.

ISAI 37:36

Ziaphatchun, Lalpa vansawlchâk a hung kipandok ah, Assuriate giamun ah sepai nuai khat sîng giat leh sang nga a hung that ta’n; jingkal khua a hung vak phatin, mithi ngen a hitau a.

JEREMIAH 51:39

A hung kichawphul phat ua leh, a dawn ding uh pia’ng ka tin, khawmu khawchang helo ah a lim hialna ding un, dawn khamsak ing ka tin, hung khanglo kit talo ah, kumkhua a i-mut den hialna ding un, Lalpa‘n a tii.

JEREMIAH 51:57

A milian leh a mi pilteu, gam awpte, vaihawmte leh, a sepai hangsante natiang in dawn khamsak ding ka hi; lum den intiu in, khanglo kit ta pua’n au; Lengpa, a min Sepai honte Lalpa chun a ti ahi.

EZEKIEL 39:20

Tichun, ka dawkan ah chun sakol leh a chungchuang mite, sepai hâtte leh mihangsan zosiate ah chun kivâkva ta’n lau, Lalpa Pathian in a tii,” ti in.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

NAHUM 2:13

Sepai honte Lalpa chun, “Ngaitia, nangma kãl in ka pang in, la sakol kângtalaite chu hâlkhu veng vung ing ka tin, la chemjam hiamte chun, sakeibaknei note chu that gam ding a hiu; lei chung pumpi ah kipat in la sa mat zosia hun lâkpiak sik sek ding ka hi’n; chuleh, la thangkote aw git chu het hita pua’n a,” a tia.

NAHUM 3:18

Aw Assuriate lengpa, la belamte a ipmu zo tau in, la mi thupite chule a ipmu vuang zo hi. La mipite tâng tin chung in, a tai chek zo tau in, amau pui khawm kit ding kuama a um ta puai.

ZEKARIAH 12:4

Ziaphat chuleh, sakol zosia chu lauthawnsak ing ka tin; chuleh, a chung ah chuang mite chule hi’ngol ing ka, Lalpa‘n a tii. Chuleh, nam tinte sakol mitthûmna ka hun gawt phat leh, Judah Inkuante chu vang vêng bit zing ding ka hi.

1 SAMUEL 26:12

Tichun, David in Saul lutûn ah cheicha tawh a tuiûm chu la’n a chia mang kit tau a. Kuama’n a mu puau ah, a he le umlo in, a khanglo le a um diak puau a. Lalpa‘n i-mut tuina a piak ziakin, tui tak in a ipmu chiat tau hi.