SAM 76:5 - PATHIAN LEKHABU THIANGTHO (BSI)

⁵ A hangsante gâl lâk chu lâkpiak in a um un; i-mut duna’n a dim un, a sepaite lak ah pakhat inle, a khut uh a lek thei ta puau hi.

SAM 76:5 ပူးပေါင်းရင်းမြစ်များ

SAM 13:3

Aw Lalpa, ka Pathian! Ngaitua inla, ei dawnhu tiam in. Ka mit ei hi’vâk piak in, achutiloleh, a thisate i-mut in ipmu kha’ng ka tin,

ISAI 31:8

“Ziaphat chuleh, Assuriate chu mihing chemjam hilo, chemjam in thi’n au; mihing chemjam hilo, chemjam in ne zo in a; chuleh, chemjam ah kipat tai mang in, a tangvalteu chu midangte suak in pang ta’n au.

ISAI 37:36

Ziaphatchun, Lalpa vansawlchâk a hung kipandok ah, Assuriate giamun ah sepai nuai khat sîng giat leh sang nga a hung that ta’n; jingkal khua a hung vak phatin, mithi ngen a hitau a.

ISAI 46:12

Nanghaw mi lu’lul, hukdawna ding tawh kigamlatte haw, ka thugen hi a la ngai un:

JEREMIAH 51:39

A hung kichawphul phat ua leh, a dawn ding uh pia’ng ka tin, khawmu khawchang helo ah a lim hialna ding un, dawn khamsak ing ka tin, hung khanglo kit talo ah, kumkhua a i-mut den hialna ding un, Lalpa‘n a tii.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

NAHUM 3:18

Aw Assuriate lengpa, la belamte a ipmu zo tau in, la mi thupite chule a ipmu vuang zo hi. La mipite tâng tin chung in, a tai chek zo tau in, amau pui khawm kit ding kuama a um ta puai.