SAM 74:3 - PATHIAN LEKHABU THIANGTHO (BSI)

³ Kumkhua siatna lak ah chun chia inla; mun thiangtho ah thil um zosia chu, mêlmate’n a hisezo ta’ngal un.

SAM 74:3 ပူးပေါင်းရင်းမြစ်များ

2 LENGTE 25:9

Jerusalem ah In zosia, Lalpa In tawh, lal In tawh, a milianteu In haw zosia tawh le a hung hâltum sik sek tai.

NEHEMIAH 1:3

Amau chun, “Saltâng lo ah suakcha, zia gam ah um nalaite chu haksa tak leh mualpho tak in a um un; Jerusalem kulbâng chu suksiat dim dem ahi’n, a kotpite chule hâl tum ahi tai,” ti’n ei dawnhuu a.

NEHEMIAH 2:13

Jan ah chun Phâiguam Kotpi ah pawtdok in Gulpi Tuinâk lam haw in, Buaksia kotpi tiang in ka chia a; Jerusalem kulbâng siat dan leh a kotpite mei in a kâttumte chu ka endik tai.

NEHEMIAH 2:3

Lengpa kiang ah chun, “Lengpa, damsawt in! Ka pu leh pate thân umna khawpi sukchimit leh, a khawpi kul kotkhakte hâl tum ah um ta mai chu bang ding ah lungngai mêlpu lo thei ding ka hem?” ti’n ka dawnhu tai.

SAM 44:23

Aw Lalpa, hung thodok in! Bang ding ah ipmu la hem? Hak inla, kumtuang in ei pâm pai kin!

SAM 44:26

Tho inla, kei uh panpi dingin hung in! La ngilneina ziakin kei uh ei hukdam ta’n!

SAM 79:1

Aw Pathian, namdangte la gam sim in a hung un; la tempul thiangtho a hi’buak tau in; Jerusalem chu a hichim zo tau hi.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 25:10

Zia tâng ah hin Lalpa khut chu, kichawl den ta ding ahi ngal a. Bupawl buaksia khûk ah chotchil ahi gual in, Moab mite chu a umna mun un chotchil in hung um ta’n au.

ISAI 61:4

Tuan ah tâng ah hisiat ah a la um sate chu, hun siamthak kit intiu in, tu’ma lam ah hisiat sate chu, hun tung ding kit in au; khawpi suksiat ah umsa, khang tam tak suksiat ah a la um ta chu, hun siamthak kit ta’n au.

JEREMIAH 52:13

Lalpa In, lengpa In tawh Jerusalem khua sung ah In zosia tawh a hâl tum ah; miliante In zosia le a hâl tum khawm tai.

KÂ LATE 1:10

Mêlmate’n a go thil zosia chung in a khut uh a jak khum un; a mun thiangtho nam dangte, lut a phal lona mun chu nam dangte chun, a sim tau hi.

DANIAL 11:31

A sepai sawldokte chun tempul leh kul chu lua in, subuak in au. Nisi’n ah hâlmang kithoina chu subei in, hi’buakpa ki’dak um tak chu tungding ta’n a.

DANIAL 9:17

Ziaziakchun, tu’hin aw ka Pathian uh, la suakpa pauchapna leh dotna hi ngaitha’n la, nangma Lalpa min ziakin nutsia ah umsa la mun thiangtho hi tungding kit ta’n.

DANIAL 9:27

Ama’n hapta khat sung â dingin mi tampi tawh thuthung siam in au; hapta kimkhat zaw leh, kithoina leh thillatte hi’tawp ta’n a; ziate mun ah chun thilbuak bawlpa chung ah gawtna tung ding ah guatsa chu but khum ahi masia’n, thilbuak ki’dak um tak hun bawl ta’n a, ti in.

MIKAH 1:3

Ngai un, Lalpa chu a umna kipat in a hung pawt in, lei munsângte chu hun chuandên ding ahi.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

MARKA 11:17

A kiang ua thu hil in, zia gual hin a gen a: “Ka In chu namtin â ding ah pauchapna In kiti ding ahi, ti zik hilo a hem? Nang un vang gucha hon kikhum khawmna’n la mang ui,” a tia.

LUKA 21:24

Chemjam in thi’n tiu in, nam zosia kiang ah sal ah pui in um intiu in; Jentelte ni bukim masia Jerusalem chu Jentelte chotden in um in a.

JOSHUA 10:24

Zia Leng pangate chu Joshua kiang ah a hun pui tung phat un, Joshua’n Israelte zosia chu a ko khawm ah; chuleh, a gâl kuanpite lak ah hotute kiang ah chun, “Hun nai unla, zia leng pangate ngawng hi la keng un chuan den un,” a tia. Tichun, a hun nai un, a keng un a ngawngcheng uh a chawt dên piak tau hi.

THUPUAN 11:2

“Ahi’n la, Pathian tempul paw lam huang sung hivang te’ kin, Jentelte kiang ah piak ei tai; chuleh, amau chun zia khaw thiangtho hi tha sawmli leh tha ni chuan dên in au.